IND vs SL, 3rd T20I: भारत-श्रीलंका मालिकेतील अखेरच्या टी20 सामन्याला सुरुवात, नाणेफेक जिंकत श्रीलंकेचा प्रथम फलंदाजीचा निर्णय

IND vs SL, 3rd T20 : पहिले दोन्ही सामने जिंकल्यामुळे मालिकेत भारताने आधीच 2-0 ची विजयी आघाडी घेतली आहे.

IND vs SL (P.C. Hotstar)

IND vs SL 3rd T20I: भारत आणि श्रीलंका यांच्यातील तीन टी20 सामन्यांच्या मालिकेतील अखेरचा आणि शेवटचा सामना हिमाचल प्रदेशच्या धर्मशाला येथील मैदानात खेळवला जात आहे. श्रीलंका संघाने नाणेफेक जिंकत फलंदाजी निवडली आहे. आजच्या सामन्यात श्रीलंका प्रथम फलंदाजी करुन एक मोठं आव्हान भारताला देण्याच्या तयारीत आहे. 

तीन सामन्यांच्या मालिकेतील पहिले दोन सामने जिंकल्यामुळे भारताने आधीच मालिकेत (India won Series) विजय मिळवला आहे. पण आज भारताला श्रीलंकेला व्हाईट वॉश देण्याची उत्तम संधी आहे. तर दुसरीकडे श्रीलंका शेवटचा सामना किमान जिंकून शेवट गोड करण्यासाठी मैदानात उतरणार आहे. मालिकेतील पहिला सामना भारताने 62 धावांनी तर दुसरा सामना 7 विकेट्सनी जिंकला.  

भारताचा युवा यष्टीरक्षक फलंदाज ईशान किशनला रुग्णालयातून डिस्चार्ज मिळालाय. श्रीलंकेविरुद्धच्या दुसऱ्या टी-20 सामन्यात त्याला फलंदाजी करताना दुखापत झाली. श्रीलंकेचा वेगवान गोलंदाज लाहिरू कुमारानं 144 किमी वेगानं टाकलेला बाऊन्सर ईशान किशनच्या डोक्याला जाऊन आदळला. त्याला रुग्णालयातून डिस्चार्ज मिळाला असला तरी तिसऱ्या टी-20 सामन्यात मात्र तो खेळणार नाही.

तिसऱ्या टी-20 सामन्यासाठी भारतीय संघ (India’s T20I squad) 

रोहित शर्मा (कर्णधार), संजू सॅमसन (विकेटकिपर), श्रेयस अय्यर, रवींद्र जाडेजा, वेंकटेश अय्यर, दीपक हुडा, हर्षल पटेल, कुलदीप यादव, मोहम्मद सिराज, रवी बिश्नोई, आवेश खान

तिसऱ्या टी-20 सामन्यासाठी श्रीलंका संघ (Sri Lanka T20I squad) 

दसुन शनाका (कर्णधार), पथुम निसानका, चरित असलांका (उपकर्णधार), दिनेश चांदीमल, कामिल मिशारा, जेफरी वॅनडर्से, जनिथ लियानागे, चमिका करुणारत्ने, दुष्मंथा चमीरा, लाहिरू कुमारा, बिनुरा फर्नांडो.

हे देखील वाचा-

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha