![ABP Premium](https://cdn.abplive.com/imagebank/Premium-ad-Icon.png)
राहुल देतोय राहुलला टीप्स; तर खेळाडू करतायत कसून सराव, पाहा Video
IND vs SA : आगामी भारत विरुद्ध दक्षिण आफ्रिका यांच्यातील टी20 सामन्यांच्या मालिकेसाठी भारताचे सर्वच खेळाडू मैदानात कसून सराव करताना दिसत आहेत.
![राहुल देतोय राहुलला टीप्स; तर खेळाडू करतायत कसून सराव, पाहा Video IND vs SA team india starts Special preparation Rahul Dravid giving tips cricketers practising see video राहुल देतोय राहुलला टीप्स; तर खेळाडू करतायत कसून सराव, पाहा Video](https://feeds.abplive.com/onecms/images/uploaded-images/2022/06/07/940628a880ef27b4936b7bf2c3556971_original.jpg?impolicy=abp_cdn&imwidth=1200&height=675)
India vs South Africa, T20 : भारत विरुद्ध दक्षिण आफ्रिका (India vs South Africa) सामन्यांसाठी दोन्ही संघ तयार झाले असून मैदानावर कसून सराव करताना दिसत आहेत. भारतीय संघातील सर्वच खेळाडू मैदानावर उतरले असून बीसीसीआयने आपल्या अधिकृत ट्वीटर हँडलवरुन एक व्हिडीओ पोस्ट केला आहे. ज्यामध्ये सर्व खेळाडू सराव करताना दिसत असून कोच राहुल द्रविड कर्णधार केएल राहुलसह इतर खेळाडूंना खास टीप्स देताना दिसत आहे. भारत आणि दक्षिण आफ्रिका यांच्यात पाच टी20 सामन्यांची मालिका पार पडणार असून मालिकेचा पहिला सामना दिल्ली येथे 9 जून रोजी खेळवला जाणार आहे. या सामन्यांसाठी भारताने सराव सुरु केला आहे. रोहित शर्माच्या जागी केएल राहुल संघाचा कर्णधार असणार असून बऱ्याच युवा खेळाडूंना देखील या वेळी संधी देण्यात आली आहे.
भारताचं पारडं जड
भारत आणि दक्षिण आफ्रिका यांच्यात आतापर्यंत 15 टी-20 सामने खेळले गेले. यापैकी नऊ सामन्यात भारतानं बाजी मारली आहे. तर, दक्षिण आफ्रिकेच्या संघाला सहा सामन्यावर ठसा उमठवता आला आहे. परंतु, भारतीय दौऱ्यावर दक्षिण आफ्रिकेच्या संघाच पारडं जड दिसलं. भारतात दक्षिण आफ्रिकेनं आतापर्यंत चार सामने खेळले आहेत. त्यापैकी तीन सामने जिंकले आहेत. तर, फक्त एकच सामना गमावला आहे. याआधी 2019 मध्ये पहिल्यांदाच टी-20 मालिका खेळण्यासाठी दक्षिण आफ्रिकेचा संघ भारतात आला होता. त्यावेळी तीन सामन्यांची टी-20 मालिका खेळण्यात आली होती. परंतु, पावसामुळं या मालिकेतील पहिला सामना रद्द झाला होता. त्यानंतर दुसऱ्या सामन्यात भारतानं दमदार प्रदर्शना करत सामना जिंकला. तर, तिसऱ्या सामन्यात दक्षिण आफ्रिकेनं विजय मिळवला.
सामना | दिनांक | ठिकाण |
पहिला टी20 सामना | 9 जून | अरुण जेटली स्टेडियम, दिल्ली |
दुसरा टी20 सामना | 12 जून | बाराबती स्टेडियम, कट्टक |
तिसरा टी20 सामना | 14 जून | डॉ वाय.एस. राजशेखर रेड्डी एसीए-व्हीडीसीए क्रिकेट स्टेडियम,विशाखापट्टणम |
चौथा टी20 सामना | 17 जून | सौराष्ट्र क्रिकेट असोसीएशन स्टेडियम, राजकोट |
पाचवा टी20 सामना | 19 जून | एम. चिन्नस्वामी स्टेडियम बंगळुरु |
बारावी बोर्डाचा निकाल; एबीपी माझावर पाहता येणार, कसा पाहाल?
यंदा तुम्हाला 'ABP Majha'च्या वेबसाईटवर तुमचा निकाल पाहता येणार आहे. एबीपी माझाची अधिकृत वेबसाईट marathi.abplive.com वर बारावीचे विद्यार्थी झटपट आपला निकाल पाहू शकणार आहेत. एबीपी माझाच्या वेबसाईटवर निकाल पाहण्यासाठी mh12.abpmajha.com या लिंकवर क्लिक करा.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)