IND vs NZ Final : परिस्थिती बिकट पण टीम इंडिया तिखट! 12 वर्षांनी चॅम्पियन्स ट्रॉफी जिंकली, न्यूझीलंडला 4 विकेटने लोळवलं
IND vs NZ Final Live Score: चॅम्पियन्स ट्रॉफी 2025 च्या स्पर्धेचा अंतिम सामना आज भारत विरुद्ध न्यूझीलंड यांच्यात खेळवला गेला.
पार्श्वभूमी
India vs New Zealand, Final Score : भारताने सलग दुसऱ्यांदा आयसीसी ट्रॉफी जिंकली आहे. टीम इंडियाने अंतिम सामन्यात न्यूझीलंडला 4 विकेट्सने हरवून तिसऱ्यांदा चॅम्पियन्स ट्रॉफी जिंकली. रोहित शर्माच्या नेतृत्वाखाली भारतीय...More
भारताने अंतिम सामन्यात न्यूझीलंडला सहा विकेट्सने पराभूत करून चॅम्पियन्स ट्रॉफी 2025 चे विजेतेपद जिंकले आहे. हे भारताचे सलग दुसरे आयसीसी स्पर्धा विजेतेपद आहे. यापूर्वी 2024 मध्ये टीम इंडियाने टी-20 वर्ल्ड कप जिंकला होता.
36 षटकांत तीन विकेट गमावून भारताने 166 धावा केल्या. टीम इंडियाला आता आणखी 86 धावांची आवश्यकता आहे. सध्या श्रेयस अय्यर 38 धावांसह आणि अक्षर पटेल 15 धावांसह क्रीजवर आहेत.
भारताने 35 ओव्हर्समध्ये 158 धावा केले आहेत. श्रेयस अय्यरने 50 चेंडूत 35 धावा केल्या आहेत तर अक्षर पटेलने 25 चेंडूत 13 धावा केल्या आहेत. भारताला जिंकण्यासाठी 90 चेंडूत 91 धावा करायचे आहेत.
भारताने 35 ओव्हर्समध्ये 158 धावा केले आहेत. श्रेयस अय्यरने 50 चेंडूत 35 धावा केल्या आहेत तर अक्षर पटेलने 25 चेंडूत 13 धावा केल्या आहेत. भारताला जिंकण्यासाठी 90 चेंडूत 91 धावा करायचे आहेत.
भारताला तिसरा धक्का 27 व्या षटकात बसला आहे. रोहित शर्मा चांगली फलंदाजी करत होता. पण, पहिल्या दोन विकेटनंतर धावगती कमी झाली. धावगती वाढवण्याच्या प्रयत्नात, रचिन रवींद्रचा चेंडूवर रोहितने पुढे जाऊन खेळण्याचा प्रयत्न केला आणि तो स्टंप आउट झाला. तो 83 चेंडूत सात चौकार आणि तीन षटकारांसह 76 धावा काढल्यानंतर बाद झाला. भारताला अजूनही 130 धावांची आवश्यकता आहे.
एका धावेच्या अंतराने भारताला दोन मोठे धक्के बसले आहेत. पहिला धक्का 19 व्या षटकात 105 धावांवर बसला. शुभमन गिल 31 धावा करून बाद झाला. यानंतर, भारताला 20 व्या षटकात 106 धावांवर दुसरा धक्का बसला. मायकेल ब्रेसवेलने विराट कोहलीला एलबीडब्ल्यू बाद केले. तो एक धावा करू शकला. सध्या रोहित शर्मा आणि श्रेयस अय्यर क्रीजवर आहेत.
रोहित आणि शुभमनच्या फटाकेबाजीमुळे दोघांची शतकीय भागीदारी झाली आहे. यामध्ये रोहितने 60 चेंडूत 68 धावा केल्या तर शुभमननं 42 चेंडूत 27 धावा केल्या आहेत.
कर्णधार रोहित शर्माने अर्धशतक झळकावले आहे. रोहितने फक्त 41 चेंडूत अर्धशतक केले आहे. त्यामध्ये रोहितने 5 चौके आणि 3 षटकार ठोकले आहे.
8 षटकांनंतर, टीम इंडियाने 59 धावा केल्या आहेत . रोहित शर्माने 35 चेंडूत 47 धावा पूर्ण केल्या आहे तर शुभमन गिल 13 चेंडूत 7 धावांवर खेळत आहे.
भारताने पहिल्या षटकात एकूण 9 धावा केल्या आहे. कर्णधार रोहित शर्माने काइल जेमिसनला षटकार मारून तुफानी सुरूवात केली आहे.
2025 च्या चॅम्पियन्स ट्रॉफीच्या अंतिम सामन्यात न्यूझीलंडने भारतासमोर 252 धावांचे लक्ष्य ठेवले आहे.
46 व्या षटकात न्यूझीलंडला सहावा धक्का बसला आहे. न्यूझीलंडची एकूण धावसंख्या 211 झाली आहे. मोहम्मद शमीने डॅरिल मिशेल 63 धावांवर आऊट केले.
डॅरिल मिशेलने 91 चेंडूमध्ये अर्धशतक ठोकले आहे. 42 षटकांनंतर न्यूझीलंडची धावसंख्या 178 झाली आहे. मायकेल ब्रेसवेल 13 चेंडूत सहा धावा करून खेळत आहे. तर दोघांमध्ये 25 चेंडूत 13 धावांची भागीदारी झाली.
न्यूझीलंडला 38 व्या षटकात पाचवा धक्का बसला आहे. वरुण चक्रवर्तीने ग्लेन फिलिप्सला क्लीन बोल्ड केले. त्याला फक्त 34 धावा करता आल्या. सध्या डॅरिल मिशेल आणि मायकेल ब्रेसवेल क्रीजवर आहेत. 38 षटकांनंतर किवी संघ 5 बाद 165 धावांवर आहे.
35 षटकांनंतर न्यूझीलंडने 153 धावा केल्या आहेत. डॅरिल मिशेल 73 चेंडूमध्ये 40 तर ग्लेन फिलिप्स 41 चेंडूमध्ये 26 धावा करून खेळत आहेत. त्या दोघांमध्ये 69 चेंडूत 45 धावांची भागीदारी झाली आहे.
30 षटकांनंतर न्यूझीलंडच्या 4 विकेट पडल्या आहेत आणि 135 धावा झाल्या आहेत. डॅरिल मिशेल 59 चेंडूत एका चौकारासह 32 धावांवर खेळत आहे. तर ग्लेन फिलिप्स 25 चेंडूत 17 धावांवर खेळत आहे. त्या दोघांमध्ये 40 चेंडूत 27 धावांची भागीदारी झाली आहे.
26 षटकांनंतर, न्यूझीलंडचा स्कोअर 4 विकेट पडल्या आहेत आणि 116 धावा केल्या आहेत. डॅरिल मिशेल 50 चेंडूत 26 धावांवर तर ग्लेन फिलिप्स 10 चेंडूत 4 धावांवर खेळत आहे.
24 व्या षटकात न्यूझीलंडला 108 धावांवर चौथा धक्का बसला आहे. रवींद्र जडेजाने टॉम लॅथमला एलबीडब्ल्यू आऊट केले आहे. टॉम लॅथम 30 चेंडूत 14 धावा काढून पॅव्हेलियनमध्ये परतला.
19 षटकांनंतर, न्यूझीलंडचा स्कोअर 3 बाद 99 धावा आहे. डॅरिल मिशेल 32 चेंडूत एका चौकारासह 16 धावांवर खेळत आहे. टॉम लॅथम 16 चेंडूत 11 धावा केल्या आहेत.
16 षटकांनंतर, न्यूझीलंडचा स्कोअर 3 बाद 85 धावा आहे. डॅरिल मिशेल 25 चेंडूत 1 चौकारासह 10 धावांवर खेळत आहे. टॉम लॅथम पाच चेंडूत तीन धावा करून खेळत आहे.
न्यूझीलंडने 13व्या षटकात 75धावांवर तिसरी विकेट गमावली. कुलदीप यादवने केन विल्यमसनला बाद केले. तो 14 चेंडूत 11 धावा काढून पॅव्हेलियनमध्ये परतला. किवी संघाने अवघ्या 18 धावांच्या आत तीन विकेट गमावल्या आहेत.
11व्या षटकात 69 धावांच्या खेळीमुळे न्यूझीलंडला दुसरा धक्का बसला आहे. रोहित शर्माने 11 व्या षटकात कुलदीपकडे चेंडू सोपवला आणि त्याने पहिल्याच चेंडूवर रचिन रवींद्रला क्लीन बोल्ड केले. रचिनला दोनदा जीवदान मिळाले होते, पण तो त्यांचा फायदा घेऊ शकला नाही. रचिनने 29 चेंडूंत चार चौकार आणि एका षटकाराच्या मदतीने 37 धावांची खेळी केली. सध्या डॅरिल मिशेल आणि केन विल्यमसन क्रीजवर आहेत. 11 षटकांनंतर न्यूझीलंडची धावसंख्या 73/2 आहे.
शमीने सातव्या षटकात रॅचिनचा पहिला झेल सोडला. तेव्हा रचिन 28 धावांवर खेळत होता. यानंतर, पुढच्या षटकात, रचिनने हवेत एक शॉट खेळला. श्रेयस डीप मिड-विकेटकडे धावतो पण चेंडू त्याच्या हातातून सुटला. तेव्हा रचिन 29 धावांवर खेळत होता. त्याआधी, सातव्या षटकाच्या पहिल्या चेंडूवर रॅचिनला डीआरएसचा फायदा मिळाला. मैदानावरील पंचांनी त्याला कॅच आउट दिले, परंतु डीआरएसमध्ये स्पष्ट दिसले की चेंडू त्याच्या बॅटला लागला नव्हता.
न्यूझीलंडला पहिला धक्का 57 धावांवर बसला. वरुण चक्रवर्तीने विल यंगला एलबीडब्ल्यू बाद केले. यंगला 23 चेंडूत फक्त 15 धावा करता आल्या. सध्या केन विल्यमसन आणि रचिन रवींद्र क्रीजवर आहेत. आठ षटकांनंतर, न्यूझीलंडची धावसंख्या 58/1 आहे.
IND vs NZ Final : न्यूझीलंडने फलंदाजीमध्ये आक्रमक सुरुवात केली आहे. रचिन रवींद्रने हार्दिक पांड्याच्या षटकांत 16 धावा केल्या.
Ind vs NZ Final: न्यूझीलंड (प्लेइंग इलेव्हन): विल यंग, रचिन रवींद्र, केन विल्यमसन, डॅरिल मिशेल, टॉम लॅथम (विकेटकीपर), ग्लेन फिलिप्स, मायकेल ब्रेसवेल, मिशेल सँटनर (कर्णधार), काइल जेमिसन, विल्यम ओरोर्क, नाथन स्मिथ
भारत (प्लेइंग इलेव्हन): रोहित शर्मा (कर्णधार), शुभमन गिल, विराट कोहली, श्रेयस अय्यर, अक्षर पटेल, केएल राहुल (विकेटकीपर), हार्दिक पंड्या, रवींद्र जडेजा, मोहम्मद शमी, कुलदीप यादव, वरुण चक्रवर्ती
Ind vs NZ Final: अंतिम सामन्यात न्यूझीलंडला धक्का बसला आहे. वेगवान गोलंदाज मॅट हॅन्री भारतविरुद्धच्या सामन्याला दुखापतीमुळे मुकणार आहे.
Ind vs NZ Final: न्यूझीलंडने टॉस जिंकत प्रथम फलंदाजीचा निर्णय घेतला आहे. भारत प्रथम गोलंदाजी करणार आहे.
विराट कोहलीची दुखापत फारशी गंभीर नव्हती. यामुळे तो न्यूझीलंडविरुद्ध चॅम्पियन्स ट्रॉफी 2025 च्या अंतिम सामन्यात खेळू शकतो. मात्र, या प्रकरणी बीसीसीआयकडून अद्याप कोणतीही प्रतिक्रिया आलेली नाही. यावेळी टीम इंडियासाठी सर्वाधिक धावा करण्याच्या बाबतीत कोहली अव्वल स्थानावर आहे. त्याने एक शतक आणि एक अर्धशतक झळकावले आहे. अशा स्थितीत कोहलीसाठी अंतिम फेरीत खेळणे खूप महत्त्वाचे असेल.
संपूर्ण बातमी वाचण्यासाठी वरील लिंकवर क्लिक करा...
Shubman Gill profile : शुभमन गिल : रोहितसेनेचा हुकुमी मावळा, एकहाती गोलंदाजी कापून काढण्यात पटाईत!
संपूर्ण बातमी वाचण्यासाठी वरील लिंकवर क्लिक करा...
Mohammed Shami : स्मशानात घाम गाळून चॅम्पियन बनण्याचं स्वप्न पाहणारा 'हिरा' म्हणजे मोहम्मद शमी
संपूर्ण बातमी वाचण्यासाठी वरील लिंकवर क्लिक करा...
संपूर्ण बातमी वाचण्यासाठी वरील लिंकवर क्लिक करा...
संपूर्ण बातमी वाचण्यासाठी वरील लिंकवर क्लिक करा...
Ind vs NZ Final: भारत आणि न्यूझीलंड यांच्यातल्या फायनलची उत्कंठा आता शिगेला पोचलीय. या फायनलमध्ये प्रतिस्पर्धी संघातल्या एकेका खेळाडूला दुसऱ्या संघाकडून टार्गेट केलं जाईल. बघू या फायनलमधल्या लढती...
1. राचिन रवींद्र विरुद्ध भारतीय फिरकीपटू- न्यूझीलंडचा ओपर राचिन रवींद्रनं बांग्लादेश आणि दक्षिण आफ्रिकेविरुद्ध शतकं ठोकलीयत. त्याला रोखण्याला भारताचं प्राधान्य असेल. अक्षर-जडेजा-कुलदीप आणि वरुण चक्रवर्ती ही चौकडी या राचिनला कशी वेसण घालते ते पाहणं रंजक ठरणार आहे...
2. विल्यम्सन विरुद्ध चक्रवर्ती- दुसरी लढत आहे न्यूझीलंडचा माजी कर्णधार आणि वन डाऊनला येणाऱ्या केन विल्यम्सन आणि वरुण चक्रवर्ती यांच्यातली...साखळी सामन्यात त्यानं भारताविरुद्ध ८१ धावा ठोकल्या होत्या आणि त्यानंतर सेमीफायनलमध्ये दक्षिण आफ्रिकेविरुद्ध १०२ धावा ठोकत न्यूझीलंडला फायनल गाठून दिलीय..
3. श्रेयस अय्यर विरुद्ध सँटनर- तिसरी लढत आहे भारतासाठी चौथ्या नंबरवर येणाऱ्या श्रेयस अय्यर आणि न्यूझीलंडचा कर्णधार मिचेल सँटनर यांच्यातली..सँटनर श्रेयसच नव्हे तर भारताची मधली फळी फार स्थिरावू देणार नाही असं म्हंटलं जातंय. त्यामुळं श्रेयस सँटनरच्या बोलिंगच्या चिंधड्या उडवतो की सँटनर भारताला भारी ठरतो ते पाहावं लागेल...
4. न्यूझीलंडचे सलामीवीर विरुद्ध सँटनर- राचिन आणि विल यंग ही न्यूझीलंडची सलामीवीरांची जोडी आहे. त्यांना मोहम्मद शमी खेळपट्टीवर किती वेळ थांबू देतो ते पाहावं लागेल. ही जोडी गोलंदाजांचा कर्दनकाळ असून न्यूझीलंडला आक्रमक सुरुवात करुन देण्यासाठी ते नक्कीच धडपड करतील...पण दुखापतीनंतर नव्या जोशात बोलिंग करणारा शमी त्याची करामत कशी दाखवतो ते थोड्याच वेळात कळेल...
Ind vs NZ Final: दुबईमध्ये हवामान कसे असेल? (IND vs NZ Weather Forecast)
भारत आणि न्यूझीलंड यांच्यातील अंतिम सामना दुपारी 2.30 वाजता सुरू होईल. नाणेफेक 2 वाजता होईल. यावेळी तापमान 30 अंश सेल्सिअस राहण्याची अपेक्षा आहे. सामन्यादरम्यान ढगाळ वातावरण राहण्याची शक्यता आहे. पावसाची शक्यता 10 टक्के आहे, आर्द्रता 43 टक्के असेल. तसेच ताशी 20 ते 25 किलोमीटर वेगाने वारे वाहण्याची शक्यता आहे. दुबईमध्ये ढगाळ वातावरण राहील आणि हलका पाऊस पडू शकतो, असा अंदाज हवामान विभागाने वर्तवला आहे. पण भारत विरुद्ध न्यूझीलंड सामना पावसामुळे रद्द होण्याची शक्यता नाही.
Ind vs NZ Final: न्यूझीलंडचा संपूर्ण संघ : मिचेल सँटनर (कर्णधार), मायकेल ब्रेसवेल, मार्क चॅपमन, डेव्हॉन कॉनवे, काइल जेमिसन, मॅट हेन्री, टॉम लॅथम (यष्टीरक्षक), डॅरिल मिचेल, विल ओ'रोर्क, ग्लेन फिलिप्स, रचिन रवींद्र, नाथन स्मिथ, केन विल्यमसन, विल यंग, जेकब डफी.
Ind vs NZ Final: भारताचा संपूर्ण संघ : रोहित शर्मा (कर्णधार), शुभमन गिल, विराट कोहली, श्रेयस अय्यर, अक्षर पटेल, केएल राहुल (यष्टीरक्षक), हार्दिक पंड्या, रवींद्र जडेजा, हर्षित राणा, मोहम्मद शमी, कुलदीप यादव, ऋषभ पंत, वॉशिंग्टन सुंदर, वरुण चक्रवर्ती, अर्शदीप सिंग.
- मुख्यपृष्ठ
- क्रीडा
- क्रिकेट
- IND vs NZ Final : परिस्थिती बिकट पण टीम इंडिया तिखट! 12 वर्षांनी चॅम्पियन्स ट्रॉफी जिंकली, न्यूझीलंडला 4 विकेटने लोळवलं