अखेरच्या कसोटीतून केएल राहुल, वॉशिंगटन सुंदर संघाबाहेर, जसप्रीत बुमराहबद्दलही महत्वाचं अपडेट
India vs England 5th Test – Dharamsala : इंग्लंडविरोधात होणाऱ्या अखेरच्या कसोटी सामन्याआधी बीसीसीआयकडून (BCCI) महत्वाची महिती दिली आहे.
India vs England 5th Test – Dharamsala : इंग्लंडविरोधात होणाऱ्या अखेरच्या कसोटी सामन्याआधी बीसीसीआयकडून (BCCI) महत्वाची महिती दिली आहे. केएल राहुल (KL Rahul) अखेरच्या कसोटी सामन्याला मुकणार आहे. तर जसप्रीत बुमराह (Jasprit Bumrah) याचं कमबॅक झालेय. त्याशिवाय वॉशिंगटन सुंदर यालाही रिलिज कऱण्यात आले आहे. बीसीसीआयनं अधिकृत परिपत्रक काढत याबाबतची माहिती दिली. बीसीसीआयकडून मोहम्मद शामी याच्या सर्जरीबद्दलही माहिती देण्यात आली आहे.
केएल राहुल अखेरच्या सामन्यातून बाहेर -
अनुभवी फलंदाज केएल राहुल दुखापतीमुळे अखेरच्या सामन्याला मुकणार आहे. हैदराबाद कसोटी सामन्यात त्याला दुखापत झाली होती. त्यानंतर दुसऱ्या कसोटीत त्याला आराम देण्यात आला. दुखापतीमधून सावरल्यानंतर त्याला 15 जणांच्या चमूमध्ये त्याला स्थान देण्यात आले, पण फिटनेस सिद्ध करु न शकल्यामुळे त्याला बाहेर खेळवण्यात आले नाही. तो पाचव्या सामन्यात कमबॅक करेल, असा अंदाज होता. पण त्याच्या फिटनेसमध्ये कोणताही सुधार झाला नाही. त्यामुळे अखेरच्या कसोटी सामन्यातून त्याला वगळण्यात आलेय. मिळालेल्या माहितीनुसार, केएल राहुल उपचारासाठी लंडनला रवाना झालाय. तो दोन आठवड्यापर्यंत क्रिकेटच्या मैदानावर परतण्याची शक्यता नाही.
जसप्रीत बुमराहचं कमबॅक -
उपकर्णधार जसप्रीत बुमराह अखेरच्या कसोटी सामन्यासाठी भारतीय संघासोबत जोडला गेला आहे. चौथ्या कसोटी सामन्यात त्याला आराम देण्यात आला होता. आता धर्मशालाच्या मैदानावर तो गोलंदाजी करताना दिसेल.
वॉशिंगटन सुंदरला रिलिज केले -
अष्टपैलू वॉशिंगटन सुंदरला भारतीय संघातून रिलिज करण्यात आले आहे. तो रणजी सामने खेळण्यासाठी तामिळनाडू संघासोबत जोडला जाणार आहे. 2 मार्चपासून तामिळनाडू आणि मुंबई यांच्यामध्ये उपांत्यफेरीचा सामना होणार आहे. त्यासाठी तो तामिळनाडू संघासोबत जोडला गेलाय. जर गरज पडली तर वॉशिंगटन सुंदर रणजी सामन्यानंतर भारतीय चमूसोबत जोडला जाईल.
मोहम्मद शामीबद्दल अपडेट -
26 फेब्रुवारी रोजी मोहम्मद शामी याच्यावर यशस्वी शस्त्रक्रिया झाली आहे. डाव्या पायाला दुखापत झाली होती. मोहम्मद शामीच्या प्रकृतीमध्ये झपाट्यानं सुधारणा होत आहे. तो लवकरच एनसीएमध्ये दाखल होईल.
India’s updated squad for the 5th Test : रोहित शर्मा (कर्णधार), जसप्रीत बुमराह (उपकर्णधार),यशस्वी जायस्वाल, शुभमन गिल, रजत पाटीदार, सरफराज खान, ध्रुव जुरेल, केएस भरत, देवदत्त पड्डीकल, आर. अश्विन, रवींद्र जाडेजा, अक्षर पटेल, कुलदीप यादव, मोहम्मद सिराज, मुकेश कुमार, आकाशदीप
Rohit Sharma (C), Jasprit Bumrah (VC), Yashasvi Jaiswal, Shubman Gill, Rajat Patidar, Sarfaraz Khan, Dhruv Jurel (WK), KS Bharat (WK), Devdutt Padikkal, R Ashwin, Ravindra Jadeja, Axar Patel, Kuldeep Yadav, Mohd. Siraj, Mukesh Kumar, Akash Deep.
महत्त्वाच्या बातम्या
ट्रेंडिंग न्यूज
