ICC Champions Trophy 2025 Schedule : आज संपणार प्रतीक्षा! ICC चॅम्पियन्स ट्रॉफीचे वेळापत्रक करणार जाहीर; 9 मार्च रोजी फायनल होणार, IND VS PAK सामना कधी?
आयसीसी चॅम्पियन्स ट्रॉफी 2025 खूप दिवसांपासून चर्चेत आहे. खरंतर, या स्पर्धेच्या आयोजनासाठी फक्त 2 महिने उरले आहेत.
ICC Champions Trophy 2025 Schedule : आयसीसी चॅम्पियन्स ट्रॉफी 2025 खूप दिवसांपासून चर्चेत आहे. खरंतर, या स्पर्धेच्या आयोजनासाठी फक्त 2 महिने उरले आहेत, परंतु संपूर्ण वेळापत्रक अद्याप जाहीर करण्यात आलेले नाही. कारण टीम इंडियाने पाकिस्तानला जाण्यास नकार दिला आहे, तेव्हापासून बीसीसीआय आणि पीसीबीमध्ये वाद सुरू आहे. अशा परिस्थितीत आज चॅम्पियन्स ट्रॉफीचे वेळापत्रक जाहीर होणार आहे.
पाकिस्तान चॅम्पियन्स ट्रॉफी 2025 चे आयोजन करत आहे. बीसीसीआयने या स्पर्धेसाठी टीम इंडियाला पाकिस्तानला जाऊ देण्यास स्पष्ट नकार दिला आहे. भारताने यामागे सुरक्षेचे कारण सांगितले होते. त्यानंतर भारताने हायब्रीड मॉडेलची ऑफर दिली होती, त्यानंतर पाकिस्तानने काही अटींसह ते स्वीकारले.
भारताचे सामने होणार दुबईत
भारत आणि पाकिस्तान यांच्यातील करारानंतर चॅम्पियन्स ट्रॉफी 2025 चे सामने पाकिस्तान आणि दुबईमध्ये हायब्रीड मॉडेल अंतर्गत खेळवण्याचा निर्णय घेण्यात आला. या स्पर्धेत टीम इंडियाचा सामना दुबईत होणार आहे. पाकिस्तान चॅम्पियन्स ट्रॉफीच्या 10 सामन्यांचे यजमानपद भूषवणार आहे. तर साखळी फेरीत भारताचे तिन्ही सामने दुबईत होणार आहेत. भारताच्या साखळी सामन्यांव्यतिरिक्त, स्पर्धेचे उपांत्य आणि अंतिम सामने देखील दुबईमध्ये होणार आहेत. जर टीम इंडिया बाद फेरीपूर्वी बाहेर पडली तर उपांत्य फेरी आणि अंतिम फेरी लाहोर आणि रावळपिंडीमध्ये खेळवली जाईल.
तेव्हापासून सर्वजण पूर्ण वेळापत्रकाची वाट पाहत आहेत. आज ही प्रतीक्षा संपेल अशी अपेक्षा आहे. तसे, आम्ही तुम्हाला सांगतो की गेल्या अनेक दिवसांपासून मीडिया रिपोर्ट्समध्ये दावा केला जात आहे की आज वेळापत्रक जाहीर केले जाईल, परंतु आयसीसीने तसे केले नाही. आता आयसीसी आज वेळापत्रक जाहीर करते की नाही हे पाहायचे आहे.
पाकिस्तान टी-20 वर्ल्ड 2026 साठी येणार नाही भारत दौरा
याशिवाय अहवालात पुढे सांगण्यात आले आहे की, पाकिस्तानी संघ 2026 च्या टी-20 वर्ल्ड कपसाठी भारत दौऱ्यावर येणार नाही. 2026 चा टी-20 वर्ल्ड कप भारत आणि श्रीलंका यांच्यात खेळवला जाणार आहे. पाकिस्तानने आपले सामने कोलंबोमध्ये खेळवण्याची मागणी केली. मात्र, टी-20 वर्ल्ड कपमधील बाद फेरीच्या सामन्यांबाबत अद्याप काहीही स्पष्ट करण्यात आलेले नाही.
हे ही वाचा -
संघाला मोठा धक्का! बॉर्डर-गावसकर ट्रॉफीदरम्यान खेळाडूने अचानक घेतली तडकाफडकी निवृत्ती, म्हणाला....
महत्त्वाच्या बातम्या
ट्रेंडिंग न्यूज
