Cheteshwar Pujara in County Cricket : आंतरराष्ट्रीय क्रिकेटमध्ये भारताचा महत्त्वाचा कसोटीपटू चेतेश्वर पुजारा (Cheteshwar Pujara) मागील बऱ्याच काळापासून खराब फॉर्ममध्ये दिसत होता. पण आता इंग्लंडमध्ये सुरु असलेल्या काउंटी क्रिकेट चॅम्पियनशिपमध्ये चेतेश्वर दमदार कामगिरी कर असून एकामागे एक शतक ठोकत आहे. त्याने काउंटी चॅम्पियनशिप डिविजन-2 मध्ये ससेक्स संघाकडून खेळताना सलग चार शतकं ठोकली आहेत. नुकतंच त्याने मिडलसेक्सविरुद्ध शतक लगावलं आहे. याआधी त्याने डर्बीशायर, वोरचेस्टरशायर आणि डरहम संघाविरुद्ध शतक ठोकलं आहे. विशेष म्हणजे काउंटी चॅम्पियनशिपच्या या हंगामात पुजाराच्या चार शतकांमध्ये दोन दुहेरी शतकांचा समावेशही आहे.



यंदाच्या आयपीएल (IPL 2022) महालिलावात चेतेश्वर पुजाराला एकाही संघाने विकत घेतलं नाही. कारण मागील बऱ्याच काळापासून चेतेश्वर फॉर्ममध्ये नसल्याचंच समोर आलं होतं. वर्ल्ड टेस्ट चॅम्पियनशिपमध्येही त्याने खास कामगिरी केली नव्हती. त्याने आंतरराष्ट्रीय क्रिकेटमध्ये जानेवारी 2019 मध्ये शेवटचं शतक लगावलं होतं. त्यामुळेच आयपीएल संघानी त्याच्याकडे पाठ फिरवली. पण आता मात्र पुजारा इंग्लंडच्या मैदानात पुन्हा फॉर्मात परतला आहे.  


काउंटी क्रिकेटमध्ये दुहेरी शतक ठोकणारा दुसराच भारतीय


पुजाराने या हंगामात डर्बीशायरविरुद्ध दुहेरी शतक ठोकलं. दरम्यान काउंटी क्रिकेटमध्ये ही आकडेवारी पार करणारा पुजारा दुसराच भारतीय ठरला आहे. त्याच्या आधी केवळ भारताचा माजी कर्णधार मोहम्मद अझहरुद्दीन याने 1991 आणि 1995 मध्ये काउंटी क्रिकेटमध्ये दुहेरी शतकं लगावली होती.


हे देखील वाचा-