![metaverse](https://cdn.abplive.com/imagebank/metaverse-top.png)
IND vs ZIM, 2nd ODI Playing 11: पहिल्या सामन्यात दमदार विजयानंतरही दुसऱ्या सामन्यात होऊ शकतात भारतीय संघात बदल, वाचा सविस्तर
Indian Cricket Team : पहिल्या एकदिवसीय सामन्यात भारतीय क्रिकेट संघाने झिम्बाब्वे (India vs Zimbabwe) संघाला त्यांच्याच भूमीत 10 गडी राखून मात दिली आहे
![IND vs ZIM, 2nd ODI Playing 11: पहिल्या सामन्यात दमदार विजयानंतरही दुसऱ्या सामन्यात होऊ शकतात भारतीय संघात बदल, वाचा सविस्तर Changes may occur in Team India for india vs Zimbabwe 2nd ODI see probable playing 11 IND vs ZIM, 2nd ODI Playing 11: पहिल्या सामन्यात दमदार विजयानंतरही दुसऱ्या सामन्यात होऊ शकतात भारतीय संघात बदल, वाचा सविस्तर](https://feeds.abplive.com/onecms/images/uploaded-images/2022/01/22/5972d40254bb083509cdfbc2c2c8c7d1_original.jpg?impolicy=abp_cdn&imwidth=1200&height=675)
India Probable playing 11 : भारत आणि झिम्बाब्वे (India vs Zimbabwe) यांच्यात तीन एकदिवसीय सामन्यांची मालिका सुरु असून मालिकेतील पहिला सामना भारताने जिंकत जिंकला. तब्बल 10 गडी राखून पहिला सामना जिंकल्यानंतर भारताने मालिकेत 1-0 ची आघाडी देखील घेतली आहे. दरम्यान यानंतर देखील दुसऱ्या एकदिवसीय सामन्यात भारत अंतिम 11 मध्ये काही बदल करु शकतो.
सलामीवीरांची जोडी बदलू शकते
पहिल्या वनडेमध्ये भारताने तब्बल 10 विकेट्सनी विजय मिळवला. झिम्बाब्वेचं 190 धावाचं लक्ष भारताच्या गिल आणि धवन जोडीने अनुक्रमे 82 आणि 81 रन करुन पूर्ण केलं. पण असं असतानाही दुसऱ्या सामन्यात केएल राहुल सलामीला येण्याची शक्यता आहे. कारण केएल राहुल मागील बऱ्याच काळापासून दुखापतीमुळे संघाबाहेर होता. आता तो संघात कर्णधार म्हणून आला असताना आगामी आशिया कपसाठी त्याला सराव म्हणून या मालिकेत अधिक खेळणं महत्त्वाचं आहे. त्यामुळे तो सलामीलाच मैदानात उतरु शकतो. याशिवाय राहुल त्रिपाठी यालाही भारतीय संघात आगमन करण्याची संधी दिली जाऊ शकते, ईशान किशनच्या जागी तो खेळू शकतो.
अशी असू शकते भारताची अंतिम 11
सलामीवीर - केएल राहुल आणि शिखर धवन
मिडिल ऑर्डर फलंदाज - दीपक हुडा, शुभमन गिल, संजू सॅमसन (विकेटकीपर) आणि ईशान किशन/राहुल त्रिपाठी.
ऑलराउंडर- अक्षर पटेल
गोलंदाज - कुलदीप यादव, मोहम्मद सिराज, दीपक चाहर आणि प्रसिद्ध कृष्णा.
मालिकेसाठी कसे आहेत दोन्ही संघ?
भारताचा संघ:
केएल राहुल (कर्णधार), शिखर धवन (उपकर्णधार), ऋतुराज गायकवाड, शुभमन गिल, दीपक हुडा, राहुल त्रिपाठी, इशान किशन (यष्टीरक्षक), संजू सॅमसन (यष्टीरक्षक), शार्दूल ठाकूर, कुलदीप यादव, अक्षर पटेल, आवेश खान, प्रसिध कृष्णा, मोहम्मद सिराज, दीपक चहर, शाहबाझ अहमद.
झिम्बाब्वेचा संघ:
रेगीस चकाब्वा (कर्णधार), रायन बुर्ल, तनाका चिवांगा, ब्रॅडली इवांस, ल्यूक जाँगवे, इनोसंट काया, ताकूदझ्वँनशी केईतानो, क्लाईव्ह मडांडे (यष्टीरक्षक), वेस्ली मॅदवेर, तदीवांशे मरुमानी, जॉन मसारा, टोनी मुनयोंगो, रिचर्ड येनगारावा, व्हिक्टर एनवायुची, सिकंदर रझा, मिल्टन शुम्बा, डोनाल्ड तिरीपानो.
हे देखील वाचा-
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)