अर्शदीप सिंगची ब्लॉगिंग कायमची बंद; फ्लाइटमधील चहलच्या धुराच्या व्हिडिओनंतर BCCIचा संताप, IPL मधील सर्वांत मोठी अॅक्शन
भारतीय क्रिकेट नियामक मंडळाने (BCCI) पंजाब किंग्सचा वेगवान गोलंदाज अर्शदीप सिंगबाबत कठोर निर्णय घेतला आहे.
भारतीय क्रिकेट नियामक मंडळाने (BCCI) पंजाब किंग्सचा वेगवान गोलंदाज अर्शदीप सिंगबाबत कठोर निर्णय घेतला आहे. सूत्रांच्या माहितीनुसार, आयपीएल 2026 मधील उर्वरित सामन्यांदरम्यान अर्शदीपने सोशल मीडियावर ब्लॉगिंग करू नये, अशा सूचना बोर्डाने दिल्या आहेत. मैदानावरील मजेशीर क्षण आणि सहकाऱ्यांसोबतच्या हलक्या-फुलक्या गप्पा व्लॉगद्वारे चाहत्यांपर्यंत पोहोचवल्यामुळे अर्शदीप मोठ्या प्रमाणात लोकप्रिय झाला होता. मात्र आता त्याच्याच या छंदावर बीसीसीआयने लगाम घातली आहे.
अर्शदीप सिंगची ब्लॉगिंग कायमची बंद
या निर्णयामागे अर्शदीपचे ब्लॉगिंग नसून, त्याच्या एका व्हिडिओमध्ये नकळत कैद झालेली वादग्रस्त क्लिप असल्याचे सांगितले जात आहे. अहमदाबादहून हैदराबादला जात असताना अर्शदीपने एक व्हिडिओ शूट केला होता. या व्हिडिओमध्ये त्याचा सहकारी आणि अनुभवी फिरकीपटू युझवेंद्र चहल कथितरित्या फ्लाइटमध्ये वेपिंग करताना दिसल्याचा दावा करण्यात आला. हा व्हिडिओ सोशल मीडियावर व्हायरल होताच चाहत्यांकडून चहलवर टीकेची झोड उठली आणि त्यानंतर बीसीसीआयला हस्तक्षेप करावा लागला.
फ्लाइटमधील चहलच्या धुराच्या व्हिडिओनंतर BCCIचा संताप
चहलसाठी ही परिस्थिती अधिकच अडचणीची ठरत आहे. कारण स्पर्धा सुरू होण्यापूर्वीच त्याने स्वतःच्या फिटनेसबाबत आपण अत्यंत गंभीर असल्याचे सांगितले होते. मात्र फ्लाइटमध्ये वेपिंग करतानाचा व्हिडिओ समोर आल्यानंतर सुरक्षा नियमांसोबतच खेळाडूंच्या प्रतिमेवरही प्रश्नचिन्ह निर्माण झाले आहे. बीसीसीआयच्या मते, अशा प्रकारचे व्हिडिओ संघाच्या शिस्तीवर सार्वजनिकरित्या नकारात्मक परिणाम करतात. त्यामुळेच अर्शदीपला व्लॉगिंगपासून दूर राहण्याचे निर्देश देण्यात आल्याचे समजते.
विशेष म्हणजे, यंदाच्या आयपीएल हंगामात वेपिंगशी संबंधित हा दुसरा मोठा वाद ठरला आहे. याआधी रियान परागहाही अशाच प्रकरणात अडचणीत सापडला होता. मुल्लांपूर येथे पंजाब किंग्सविरुद्ध झालेल्या सामन्यादरम्यान पराग ड्रेसिंग रूममध्ये वेपचा वापर करताना कॅमेऱ्यात कैद झाला होता. या शिस्तभंगाच्या प्रकारानंतर बीसीसीआयने त्याच्यावर सामन्याच्या मानधनाच्या 25 टक्के दंडाची कारवाई केली होती.
हे ही वाचा -
महत्त्वाच्या बातम्या
