Virat Kohli : भारतीय क्रिकेट संघाचा माजी कर्णधार विराट कोहली (Virat Kohli) याला अटक करण्याची मागणी चक्क नेटकरी करत आहेत. #ArrestKohli हा हॅशटॅग सध्या ट्वीटरवर ट्रेन्ड होत असून यामागे तामिळनाडूच्या अरियालुर जिल्ह्यात घडलेली एक घटना कारणीभूत आहे. तामिळनाडूतील एका 24 वर्षीय मुलाने कोहली आणि आरसीबी संघाबद्दल अपशब्द वापरल्याने त्याच्याच 21 वर्षीय मित्राने त्याचा खून केल्याची धक्कादायक घटना घडली आहे.
भारतामध्ये क्रिकेट हा सर्वात लोकप्रिय खेळ असून क्रिकेटर्सला अगदी डोक्यावर घेतलं जातं. क्रिकेटर्सची क्रेझ खासकरुन तरुणाईत खूप असल्याचं दिसून येतं. त्यात आयपीएल चालू झाल्यापासून स्पर्धा अधिकच वाढली असून देशांतर्गतही चढाओढ दिसून येते. फॅन्स आपल्या आवडत्या खेळा़डू, संघाबाबत कमालीचे भावनिक होत असल्याचं दिसून आलं आहे. यातूनच तामिळनाडू येथे एक भयानक घटना घडली. ज्यामध्ये विराट कोहलीबाबत अपशब्द काढले म्हणून एकाने आपल्याच मित्राची निघृण हत्या केल्याचं समोर आलं आहे. या संपूर्ण प्रकरणाची सोशल मीडियावर जोरदार चर्चा सुरु असून #ArrestKohli हा हॅशटॅग देखील तुफान ट्रेन्ड होत आहे.
नेमकं काय घडलं?
तामिळनाडू येथील लोकल मीडियाने दिलेल्या माहितीनुसार, 11 ऑक्टोबर रोजी दोन मित्र अरियालूर जिल्ह्यातील मल्लूर येथील सिडको इंडस्ट्रीयल इस्टेट येथे गेले होते. ज्याठिकाणी ही धक्कादायक घटना घडली. दोघेही मित्र दारु प्यायला बसल्यानंतर एकानं विराट कोहली आणि तो भाग असणारा आयपीएल संघ रॉयल चँलेजर्स बंगळुरुबाबत आपत्तीजनक शब्दांचा वापर केला. ज्यानंतर त्याचा मित्र जो विराटचा फॅन आहे, त्याने थेट हाणामारी करण्यास सुरुवात केली आहे आणि रागाच्या भरात मित्राचाच खून केला. यावेळी मृत व्यक्ती ज्याचं नाव पी. विग्नेश (24 वर्षे) असं असून तो मुंबई इंडियन्स संघाचा फॅन होता. तर आरोपीचं नाव ए. धर्मराज (21 वर्षे) असून तो आरसीबी फॅन असल्याचं समोर आलं आहे. दरम्यान या संपूर्ण घटनेचा स्थानिक पोलीस कसून चौकशी करत आहेत.
हे देखील वाचा -