CWG 2022: भारतानं अठरावं पदक जिंकलं! तेजस्वीन शंकरची ऐतिहासिक कामगिरी, हाय जंपमध्ये कांस्यपदक जिंकून रचला इतिहास! 

Commonwealth Games 2022: वेटलिफ्टिंग, ज्युदो, टेबल टेनिस, लॉन बॉन, स्क्वॉश आणि बॅडमिंटननंतर आता अॅथलेटिक्समध्येही भारताला यश मिळालं आहे.

Tejaswin Shankar

Commonwealth Games 2022: वेटलिफ्टिंग, ज्युदो, टेबल टेनिस, लॉन बॉन, स्क्वॉश आणि बॅडमिंटननंतर आता अॅथलेटिक्समध्येही भारताला यश मिळालं आहे. भारताचा स्टार अॅथलीट तेजस्वीन शंकरनं (Tejaswin Shankar) बर्मिंगहॅम कॉमनवेल्थ स्पर्धा 2022 मध्ये पुरुषांच्या उंच उडीत कांस्यपदक जिंकून इतिहास रचलाय. कॉमनवेल्थमधील उंच उडी स्पर्धेत भारताला आतापर्यंत एकही पदक जिंकता आलं नव्हतं. परंतु,  तेजस्वीन शंकरनं गेल्या अनेक वर्षांची प्रतिक्षा संपवलीय. 

ट्वीट- 

लवप्रीत सिंहची चांगली कामगिरी
कॉमनवेल्थ स्पर्धेच्या वेटलिफ्टिंगच्या पुरूष 109 किलो ग्राम वजनी गटात लवप्रीत सिंहनं चांगली कामगिरी केली. स्नेच प्रकारातील पहिल्या प्रयत्नात त्यानं 157 किलो ग्राम वजन उचललं. त्यानंतर दुसऱ्या प्रयत्नात 161 आणि तिसऱ्या प्रयत्नात 163 किलो वजन उचललं. तसेच क्लीन अँड जर्कमधील पहिल्या प्रयत्नात 185 किलो ग्राम वजन उचललं. त्यानंतर दुसऱ्या प्रयत्नात 189 आणि तिसऱ्या प्रयत्नात 192 किलोग्राम उजन उचललं.

भारतीय क्रिकेट संघाची सेमीफायनमध्ये धडक
या स्पर्धेतील पहिल्या सामन्यात ऑस्ट्रेलियाविरुद्ध पराभव पत्कारल्यानंतर भारतानं जोरदार कमबॅक केलं. ऑस्ट्रेलियानंतर भारतानं पाकिस्तान आणि बार्बाडोसला पराभूत करून सेमीफायनलमध्ये धडक दिलीय. पहिल्यांदाच कॉमनवेल्थ स्पर्धा खेळणाऱ्या भारतीय संघाकडून पदकाची अपेक्षा केली जात आहे. 

कॉमनवेल्थमध्ये पदक जिंकलेले भारतीय खेळाडू
सुवर्णपदक- 5  (मीराबाई चानू, जेरेमी लालरिनुंगा, अंचिता शेउली, महिला लॉन बॉल संघ, टेबल टेनिस पुरुष संघ.)
रौप्यपदक- 6 (संकेत सरगरी, बिंदियाराणी देवी, सुशीला देवी, विकास ठाकूर, भारतीय बॅडमिंटन संघ, तुलिका मान)
कांस्यपदक- 7 (गुरुराजा पुजारी, विजय कुमार यादव, हरजिंदर कौर, लवप्रीत सिंह, सौरव घोषाल, गुरजीत सिंह,  तेजस्वीन शंकर)

हे देखील वाचा-