Asia Cup 2022: अटीतटीच्या लढतीत श्रीलंकेनं बांगलादेशचा दोन विकेट्सनं पराभव केला आहे. या विजयासह श्रीलंकेनं सुपर 4 मध्ये प्रवेश केला आहे तर बांगलादेशचं स्पर्धेतील आव्हान संपुष्टात आले आहे. बांगलादेशला आशिया चषकात एकही विजय मिळवता आलेला नाही. ब गटामध्ये याआधीच अफगाणिस्तानने सुपर 4 मध्ये प्रवेश केला होता. त्यानंतर आता श्रीलंका संघाने सुपर 4 मध्ये प्रवेश केला आहे. 

बांगलादेशनं दिलेलं 184 धावांचं आव्हान श्रीलंकेनं अखेरच्या षटकात दोन गडी राखून पार केले. श्रीलंकेनं नाणेफेक जिंकून प्रथम गोलंदाजी करण्याचा निर्णय घेतला होता. बांगलादेशनं प्रथम फलंदाजी करताना निर्धारित 20 षटकात सात गड्यांच्या मोबदल्यात 183 धावा केल्या होत्या. बांगलादेशकडून मेहदी हसन 38 आणि अफिफ हुसेन 39 यांनी महत्वाची खेळी केली. वानिंदु हसनंगा आणि चमिका करुणारत्ने यांनी प्रत्येकी 2-2 बळी घेतले. 

बांगलादेशनं दिलेल्या आव्हानाचा पाठलाग करताना श्रीलंका संघाने अश्वासक सुरुवात केली. पण नंतर ठरावीक अंतरानं गडी बाद झाल्यानंतर संघ अडचणीत सापडला होता. श्रीलंका संघाकडून कुसल मेंडिस याने 60 धावांची अर्धशतकी खेळी केली. तर दासुन शनाकाने महत्वाची 45 धावांचं योगदान दिलं. तर मोक्याच्या क्षणी असिता फर्नान्डो याने तीन चेंडूत 10 धावा चोपल्या.

ब गटामधून अफगाणिस्तान आणि श्रीलंका यांनी सुपर चारमध्ये प्रवेश केला आहे. तर अ गटामध्ये भारतीय संघानं सुपर 4 मधील आपलं स्थान पक्कं केले आहे. शुक्रवारी पाकिस्तान आणि हाँगकाँग यांच्यातील विजेता संघ सुपर चारमध्ये प्रवेश करेल. तर पराभूत संघाचं स्पर्धेतील आव्हान संपुष्टात येईल. 

श्रीलंका संंघाची फलंदाजी -

फलंदाजी

 R B 4s 6s
पाथुम निसानका  20 19 2 1
कुसल मेंडिस  60 37 4 3
चरित असलंका  1 3 0 0
दनुष्का गुणातिलका  11 6 2 0
भानुका राजपाक्षे  2 4 0 0
दासुन शनाका  45 33 3 2
वानिंदु हसनंगा  2 3 0 0
चमिका करुणारत्ने   16 10 1 0
महिष थिक्षण नाबाद 0 2 0 0
असिता फर्नान्डो नाबाद 10 3 2 0

 

बांगलादेशची फलंदाजी - 

फलंदाजी R B 4s 6s
मेहेदी हसन  38 26 2 2
शब्बीर रहमान  5 6 1 0
शाकिब अल हसन  24 22 3 0
मुशफिकुर रहीम  4 5 0 0
अफिफ हुसेन  39 22 4 2
महमुदुल्लाह  27 22 1 1
मोसादैक होसैन  24 9 4 0
महेदी हसन  1 2 0 0
तस्कीन अहमदनाबाद 11 6 0 1
इबादत हुसेन        
मुस्ताफिजुर रहमान