वर्ल्डकपसाठीच्या संघात निवड झाल्यानंतर चार तासांत रवींद्र जडेजाचा भाजपाला पाठिंबा जाहीर

गेल्या वर्षभरापासून आंतरराष्ट्रीय क्रिकेटमध्ये सातत्याने अपयशी ठरल्यानंतरही अष्टपैलू क्रिकेटर रवींद्र जडेजाची पुढील महिन्यात इंग्लंडमध्ये होणाऱ्या विश्वचषक 2019 स्पर्धेसाठी भारतीय क्रिकेट संघात निवड झाली आहे.

नवी दिल्ली : गेल्या वर्षभरापासून आंतरराष्ट्रीय क्रिकेटमध्ये सातत्याने अपयशी ठरल्यानंतरही अष्टपैलू क्रिकेटर रवींद्र जडेजाची पुढील महिन्यात इंग्लंडमध्ये होणाऱ्या विश्वचषक 2019 स्पर्धेसाठी भारतीय क्रिकेट संघात निवड झाली आहे. जडेजाच्या निवडीनंतर अनेकांनी आश्चर्य व्यक्त केले होते. परंतु विश्वचषकासाठीच्या संघात निवड झाल्यानंतर अवघ्या चार तासात रवींद्र जडेजाने भारतीय जनता पक्षाला पाठिंबा जाहीर केला आहे. जडेजाने भाजपला पाठिंबा घोषित केल्यानंतर जडेजाच्या या निवडीमागे भाजप कनेक्शन आहे का? असा सवाल अनेक क्रीडारसिंकांनी उपस्थित केला आहे. याआधी अष्टपैलू क्रिकेटर म्हणून रवींद्र जडेजाने चांगेल प्रदर्शन केले आहे. परंतु जडेजा गेल्या वर्षभरापासून आऊट ऑफ फॉर्म आहे, अशी त्याच्यावर टीका होत आहे. विश्वचषक स्पर्धेपूर्वीच्या अखेरच्या वन डे मालिकेतही त्याला संघातून वगळण्यात आले होते. परंतु हार्दिक पंड्यानं माघार घेतल्यामुळे जडेजाला संधी देण्यात आली. त्याला तीन सामन्यात खेळण्याची संधी मिळाली होती. परंतु त्यामध्येही त्याने क्रिकेटरसिकांना नाराज केले होते. त्यामुळे जडेजाची निवड सर्वांसाठी आश्चर्यकारक आहे.

I support BJP.@narendramodi #rivabajadeja jai hind ???????? pic.twitter.com/GXNz5o07yy

— Ravindrasinh jadeja (@imjadeja) April 15, 2019

जडेजाने ट्वीट करुन भाजपला पाठिंबा जाहीर केला. त्यानंतर पंतप्रधान नरेंद्र मोदींनी जडेजाचे ट्वीट रीट्वीट करत त्याचे आभार मानले आहेत. तसेच वर्ल्डकपसाठी संघात निवड झाल्याबद्दल त्याचे अभिनंदनही केले आहे.

Thank you @imjadeja!

And, congratulations on being selected for the Indian cricket team for the 2019 World Cup. My best wishes. https://t.co/wLbssqSoTB — Chowkidar Narendra Modi (@narendramodi) April 16, 2019

VIDEO | विश्वचषकासाठी टीम इंडियाची घोषणा, पाहा कोणकोणत्या क्रिकेटपटूंची निवड | एबीपी माझा विश्वचषकासाठी भारतीय संघ : विराट कोहली (कर्णधार) रोहित शर्मा (उपकर्णधार), शिखर धवन, के एल राहुल, महेंद्रसिंग धोनी, केदार जाधव, विजय शंकर, दिनेश कार्तिक, युजवेंद्र चहल, कुलदीप यादव, भुवनेश्वर कुमार, जसप्रीत बुमराह, हार्दिक पंड्या, रवींद्र जाडेजा आणि मोहम्मद शमी

India’s squad for the ICC #CWC19 announced: Virat Kohli (Capt), Rohit Sharma (vc), Shikhar Dhawan, KL Rahul, Vijay Shankar, MSD (wk), Kedar Jadhav, Dinesh Karthik, Yuzvendra Chahal, Kuldeep Yadav, Bhuvneshwar Kumar, Jasprit Bumrah, Hardik Pandya, Ravindra Jadeja, Mohd Shami

— BCCI (@BCCI) April 15, 2019