चॅम्पियन्स ट्रॉफी : तापामुळे युवराजला सराव सामन्यातून विश्रांती

सराव सामन्यांनंतर भारताचा मुकाबला पारंपारिक प्रतिस्पर्धी पाकिस्तानसोबत 4 जूनला होणार आहे. या सामन्यापूर्वी युवराज प्रकृती ठिक होण्यासाठी प्रयत्न सुरु असल्याचं बीसीसीआयने म्हटलं आहे.

युवराज सिंहला आराम करण्याचा सल्ला दिला आहे. त्यामुळेच तो न्यूझीलंडविरुद्धच्या सराव सामन्यात खेळणार नसल्याचं बीसीसीआयने सांगितलं.

सराव सामन्याच्या पार्श्वभूमीवर मेडीकल टीमने युवराजची शनिवारी तपासणी केली. त्याची प्रकृती सध्या सुधरत असल्याचं डॉक्टरांनी सांगितलं आहे.

ताप आल्यामुळे युवराजला विश्रांती देण्यात आली आहे. त्याच्या प्रकृतीत सुधारणा होत असल्याचं स्पष्टीकरण बीसीसीआयने दिलं आहे.

चॅम्पियन्स ट्रॉफीच्या तोंडावर पहिल्याच सराव सामन्यात अष्टपैलू खेळाडू युवराज सिंहला खेळता आलं नाही.