2016 मध्ये हे सेलिब्रिटी बोहल्यावर

टीम इंडियाचा स्टार फलंदाज युवराज सिंह आणि हेझल कीच हे नुकतेच विवाहबंधनात अडकले.

बॉलिवूड अभिनेत्री उर्मिला मातोंडकरही यावर्षी काश्मीरमधील उद्योगपती मोहसिन अख्तर यांच्यासोबत विवाहबंधनात अडकली. 42 वर्षांच्या उर्मिलाने स्वतःपेक्षा 9 वर्षांनी लहान असलेल्या मुलाशी विवाह केला.

बॉलिवूड अभिनेत्री प्रीति झिंटा या वर्षी उद्योगपती जीन गुडएनएफ यांच्याशी विवाहबंधनात अडकली. जीन हे प्रीति झिंटापेक्षा 10 वर्षांनी लहान आहेत.

टीव्ही अभिनेत्री दिव्यांका त्रिपाठी आणि तिचा बॉयफ्रेंड अभिनेता विवेक दहिया याचवर्षी बोहल्यावर चढले.

अभिनेत्री बिपाशा बासू आणि करण सिंह ग्रोवर यांचं लग्नही चांगलंच चर्चेत आलं होतं. 30 एप्रिल रोजी दोघे विवाहबंधनात अडकले.

केंद्रीय मंत्री आणि गायक बाबुल सुप्रियो यांनीही यावर्षी एअर होस्टेस रचना शर्माशी विवाह केला. त्यांच्या विवाहाला पंतप्रधान नरेंद्र मोदींसह दिग्गजांची उपस्थिती होती.

'गजनी' सिनेमातील अभिनेत्री असिनने मायक्रोमॅक्सचे सहसंस्थापक राहुल शर्मा यांच्याशी जानेवारीत विवाह केला.

2016 वर्ष संपायला काही दिवस बाकी आहेत. मात्र हे वर्ष अनेकांसाठी अविस्मरणीय आहे. कारण अनेक सेलिब्रेटी या वर्षात विवाहबंधनात अडकले.