सांगलीत फरशी घेऊन जाणारा ट्रक उलटला, 10 मजुरांचा चिरडून मृत्यू

सांगली जिल्ह्यातील तासगांव - कवठेमहांकाळ मार्गावर योगेवाडीजवळ भीषण अपघात झाला. फरशी घेऊन जाणारा ट्रक उलटल्यामुळे दहापेक्षा जास्त मजुरांचा मृत्यू झाला. तर अनेक मजुर जखमी झाले आहेत. त्यामुळे मृतांचा आकडा वाढण्याची भीती आहे.

एसटी संप असल्याने हे मजुर ट्रकमधून प्रवास करत होते, असं सांगण्यात येत आहे. मृत मजूर हे परराज्यातील असल्याचीही माहिती मिळत आहे.

ट्रक पलटी झाल्यामुळे ट्रकमधील फरशीमध्ये सापडून मजुर आणि प्रवासी ठार झाले.

हा ट्रक विजापूरवरुन मणेराजुरील जात होता. त्यावेळी ट्रक चालकाचा ताबा सुटल्याने हा अपघात झाल्याची प्राथमिक माहिती आहे.

जखमींना सांगली आणि मिरजेच्या रुग्णालयात दाखल करण्यात आलं आहे. पहाटे 2 ते ३ दरम्यान ही भीषण दुर्घटना घडली.