मालगाडीची टॉवर वॅगनला धडक, कसारा-आसनगाव वाहतूक ठप्प

लोकल न सुटल्याने संतप्त प्रवाशांनी वाशिंद रेल्वे स्थानकात काही काळ रेलरोको केला होता. परिणामी मुंबईकडे येणाऱ्या लांब पल्ल्याच्या अनेक गाड्याही अडकल्या आहेत.

तर वाशिंद रेल्वे स्थानकातील रेलरोको प्रवाशांनी मागे घेतला असून रोखून धरलेली एक्स्प्रेस सोडली आहे.

पहाटेच्या सुमारास उत्तर महाराष्ट्र, विदर्भातून अनेक एक्स्प्रेस मुंबईला येतात या सर्व गाड्या अडकल्या. तर डाऊन मार्गावरुन मुंबईकडे येणाऱ्या एक्स्प्रेस सोडल्या जात आहेत, मात्र तरीही इगतपुरीपर्यंत एक्स्प्रेसची रांग लागल्याने वेळापत्रक पूर्णत: विस्कळीत झालं आहे.

दरम्यान, लोकल वाहतूक पूर्वपदावर येण्यासाठी आणखी दोन ते तीन तास लागणार असल्याची माहिती मध्य रेल्वेतर्फे देण्यात आली आहे.

ओव्हरहेड वायर दुरुस्त करणारी व्हॅन रात्रीच्या सुमारास कसारा रेल्वे स्थानकाच्या पुढे दुरुस्ती करत होती. मात्र ही बाब सिग्नल कंट्रोलरच्या लक्षात आली नाही आणि त्याने मागून मुंबईकडे जाणाऱ्या मालगाडीला सिग्नल दिला.

सकाळपासून एकही लोकल न सुटल्याने प्रवाशांनी संताप व्यक्त केल आहे. तर वाशिंद रेल्वे स्थानकात संतप्त प्रवाशांनी रेलरोको केला होता.

यात ओव्हरहेड वायर दुरुस्त करणारी व्हॅन रुळाखाली घसरली.

कसाऱ्यावरुन सकाळपासून एकही लोकल सुटलेली नाही. परिणामी कसारा ते आसनगाव दरम्यानची वाहतूक ठप्प झाली आहे. तर लांब पल्ल्याच्या गाड्यांच्या वेळापत्ररावर परिणाम झाला आहे.

कसारा-उंबरमाळी रेल्वे स्थानकांदरम्यान ओव्हरहेड वायर दुरुस्त करणारी व्हॅन (टॉवर वॅगन) रुळावरुन घसरल्याने कसारा ते आसनगावदरम्यानची वाहतूक ठप्प आहे.

सध्या दुरुस्तीचं काम सुरु आहे. परंतु याचा परिणाम कसाऱ्यावरुन येणाऱ्या वाहतुकीवर झाला आहे.

वेगात येणाऱ्या मालगाडीच्या चालकाला सुदैवाने ही व्हॅन दिसल्याने त्याने वेग कमी केला, मात्र गाडी पूर्ण थांबली नाही आणि मालगाडीने या ओव्हरहेड वायर दुरुस्त करणाऱ्या व्हॅनला धडक दिली.