अग्नितांडव : कमला मिल्स कंपाऊंड...आधी आणि आता

मुंबईच्या लोअर परळ येथील कमला मिल्स कम्पाऊंडमध्ये भीषण आग लागली. हॉटेल मोजो बिस्त्रो रेस्टॉरंट अॅण्ड पब आगीच्या भक्ष्यस्थानी सापडल्याने हॉटेलचं प्रचंड नुकसान झाले आहे. चकचकीत अन् अलिशान हॉटेलची अक्षरश: राखरांगोळी झाली आहे. पाहा हॉटेलचे आधीचे आणि आताचे फोटो...

आगीचं नेमकं कारण अद्याप समजू शकलेलं नाही, मात्र शॉर्ट सर्किटमुळे आग लागल्याचा अंदाज वर्तवला जात आहे. आठ अग्निशमन दलाच्या गाड्या आणि सहा पाण्याच्या टँकर्सच्या मदतीने, तीन तासांच्या शर्थीच्या प्रयत्नानंतर आगीवर नियंत्रण मिळवलं. मात्र आगीत हॉटेलसह शेजारी असलेल्या बँका, कार्यालयांचं मोठं नुकसान झालं आहे.

गुरुवारी रात्री 12.30 च्या सुमारास कमला मिल्स कंपाऊंडमधील हॉटेलला भीषण आग लागली. यावेळी इथे मोठ्या प्रमाणात लोक उपस्थित होते. काही कळायच्या आतच आगीने रौद्ररुप धारण केलं आणि काही क्षणात होत्याचं नव्हतं झालं.

आगीत जखमी झालेल्या सहा जणांवर परेलच्या केईएम रुग्णालयात तर दोघांवर सायन रुग्णालयात उपचार सुरु आहेत. या दुर्घटनेनंतर मुंबई महापालिकेचे आयुक्त अजॉय मेहता आणि पोलिस उपायुक्त देवेन भारती यांनी घटनास्थळाची पाहणी केली.