मराठमोळा पैलवान राहुल आवारेचा साखरपुडा, वस्ताद काका पवारांच्या मुलीशी लवकरच विवाह बंधनात

2011 आणि 2019 च्या आशियाई स्पर्धेत कांस्यपदकनंतर 2011 च्या राष्ट्रकुल खेळांमध्ये त्यानं सुवर्णपदक पटकावलं होतं.

जागतिक कुस्ती स्पर्धेतला कांस्यपदक विजेता पैलवान राहुल आवारे आणि ऐश्वर्या पवार यांचा साखरपुडा पुण्यात संपन्न झाला.

ऐश्वर्या ही राहुलचे वस्ताद आणि भारताचे माजी आंतरराष्ट्रीय पैलवान काका पवार यांची कन्या आहे.

राहुल आवारेनं इतिहास घडवत नुकतेच जागतिक कुस्ती स्पर्धेत कांस्यपदक जिंकलं आहे. जागतिक कुस्ती स्पर्धेत पदक जिंकणारा तो महाराष्ट्राचा पहिला पैलवान ठरलाय.

2018 सालच्या राष्ट्रकुल क्रीडा स्पर्धेत त्यानं सोनेरी यश संपादन केलं होतं.

महाराष्ट्राची कुस्ती गेल्या काही वर्षांत महाराष्ट्र केसरीच्या गवगव्यातच अडकली असतानाच राहुल आवारेनं आंतरराष्ट्रीय कुस्तीत यश मिळवता येतं हे महाराष्ट्राच्या पैलवानांना दाखवून दिलं आहे.