ढोल-ताशांच्या गजरात गणेश गल्लीच्या राजाचं मुखदर्शन

या मंडळाचं यंदा 91 वं वर्ष असून उंच मूर्ती आणि भव्यदिव्य देखाव्यासाठी गणेशगल्लीचा राजा पाहण्यासाठी भाविकांची रीघ लागते.

यंदा मुंबईचा राजा मध्य प्रदेशमधील ग्वाल्हेरच्या सूर्य मंदिरात विराजमान होणार आहे. सूर्य मंदिर हे नवग्रह मंदिर म्हणूनही प्रसिद्ध आहे.

मूर्तीकार सतीश वळवडीकर यांनी ही भव्यदिव्य मूर्ती साकारणार आहे.

गणेशगल्लीच्या राजाने यंदा अश्वारुढ रुप धारण केलं असून बाप्पाची मूर्ती तब्बल 22 फूट उंचीची आहे.

ढोल-ताशांचा गजर, विद्युत रोषणाई आणि गणपत्ती बाप्पा मोरयाच्या जयघोषात भाविकांनी लाडक्या राजाचं मुखदर्शन घेतलं.

मुंबईचा राजा अर्थात गणेशगल्लीचा राजाचं पहिलं दर्शन काल (11 सप्टेंबर) गणेशभक्तांना घडलं. यावेळी गणेशभक्तांनी मोठी गर्दी केली होती.