कृष्णामाईच्या काठावर मगरींचा वावर

सांगलीतील कृष्णा नदी पात्रात दुपारच्या सुमारास नदीकाठी वावरणाऱ्या दोन मगरी कॅमेऱ्यात कैद झाल्या.

दुपारच्या वेळेस नदीपात्रातून या मगरी काठावर दिसून येतात. यामुळे नदी काठावरुन ये-जा करणाऱ्यांमध्ये भीतीचे वातावरण असून या मगरी पकडण्याची मागणी तेथील नागरिक करत आहेत.

सांगलीपासून जवळ असलेल्या हरीपूरच्या नदी पात्राच्या काठावर भल्या मोठ्या दोन मगरीचे दर्शन नागिरकांना झाले.

मगरीचा वावर सातत्याने वाढत असल्याने नदी काठच्या भागात भीतीचे वातावरण आहे.

अलीकडे सतत नदी पात्रामध्ये मगरीचे दर्शन होत आहे.

भर उन्हामध्ये या मगरी पाण्याच्या बाहेर येऊन विश्रांती घेताना दिसत आहेत.

सांगली शहराजवळील नदी पात्रात मगरीचा वावर वाढत असल्याने नदीत पोहण्यास जाणाऱ्याची संख्या देखील कमी झाली.