राज्यभरात अंगारकी संकष्टीचा उत्साह, मंदिरं भाविकांनी फुलली

आज राज्यभरात अंगारकी संकष्टी साजरी केली जात आहे. वर्षभरातील ही शेवटची अंगारकी संकष्टी असल्यामुळे भाविकांनी गणेश मंदिरांमध्ये सकाळपासूनच मोठी गर्दी केली आहे.

वर्षातील शेवटची अंगारकी संकष्टी असल्याने सांगलीचे आराध्य दैवत असलेल्या आणि दक्षिण महाराष्ट्रातील सर्वात मोठे गणपती मंदिर असलेल्या गणपती पंचायतन संस्थानच्या मंदिरात दर्शनासाठी भाविकांच्या पहाटेपासून लांबच्या लांब रांगा लागलेल्या होत्या.