In Pics : राहुल-सूर्याची अर्धशतकं, अखेरच्या षटकात शामीची कमाल, सराव सामन्यात भारताकडून ऑस्ट्रेलियाचा 6 धावांनी पराभव

टी20 विश्वचषक स्पर्धेपूर्वी भारत सध्या कसून सराव करत आहे.

नुकताच भारत विरुद्ध ऑस्ट्रेलिया असा सराव सामना ब्रिस्बेनच्या गाबा येथे पार पडला.

या सामन्यात एक रोमहर्षक सामना सर्वांनी पाहिला विशेष म्हणजे अखेरच्या षटकात मोहम्मद शमीने केलेली कमाल कामगिरी पाहण्याजोगी होती.

सामन्यात सर्वप्रथम नाणेफेक जिंकत ऑस्ट्रेलियानं प्रथम गोलंदाजी करण्याचा निर्णय घेतला. त्यामुळे प्रथम फलंदाजीला भारताला यावं लागलं.

ज्यानंतर सलामीवीर केएल आणि रोहितनं चांगली सुरुवात करुन दिली.

पण 15 धावा करुन कर्णधार रोहित बाद झाला. ज्यानंतर कोहली मैदानात आला तो देखील 15 धावा करुन तंबूत परतला पण केएल मात्र टिकून खेळत होता. त्याला सूर्यकुमारनही चांगली साथ दिली. राहुल आणि सूर्या दोघांनी अर्धशतकं झळकावत अनुक्रमे 57 आणि 50 धावा केल्या. दिनेशनं आजही 20 धावांची फिनिशिंग दिल्याने भारताची धावसंख्या 186 पर्यंत पोहोचली.

187 धावा करण्यासाठी मैदानात आलेल्या ऑस्ट्रेलियाचे सलामीवीर मिचेल मार्श आणि आरॉन फिंच यांनी कमाल सुरुवात केली. 35 धावा करुन मार्श बाद झाला.

फिंचनं अर्धशतक झळकावून संघाला विजयाच्या दिशेने नेण्याचा संपूर्ण प्रयत्न केला. पण 19 व्या ओव्हरमध्ये हर्षलनं त्याला 76 धावांवर बाद केलं आणि भारताच्या विजयाच्या आशा जिवंत झाल्या.

त्यानंतर शेवटची ओव्हर टाकण्यासाठी शर्मानं प्लेईंग 11 मध्ये नसणाऱ्या मोहम्मद शमीला मैदानात बोलवलं आणि शमीने कमाल करत सामना भारताला जिंकवून दिला.

आता यानंतर भारत 19 ऑक्टोबर रोजी न्यूझीलंडविरुद्ध सराव सामना खेळणार आहे.