एक्स्प्लोर

Virat Kohli : विराट कोहलीनं इतिहास रचला, आयपीएलमध्ये 9000 धावांची नोंद, अनोख्या विक्रमाला गवसणी घालणारा एकमेव खेळाडू ठरला

Virat Kohli : विराट कोहलीनं दिल्ली कॅपिटल्स विरोधातील सामन्यात 11 धावा करताच नव्या विक्रमाची नोंद झाली. विराटनं आयपीएलमध्ये 9000 धावांचा टप्पा पार केला.

Written By : युवराज जाधव | Updated at : 27 Apr 2026 11:14 PM (IST)

विराट कोहली

1/6

विराट कोहलीनं नवी दिल्लीतील अरुण जेटली स्टेडियममध्ये झालेल्या मॅचमध्ये इतिहासाची नोंद केली. आयपीएलमध्ये अशा प्रकारची कामगिरी करणारा तो एकमेव खेळाडू ठरला आहे.

2/6

विराट कोहलीनं दिल्ली कॅपिटल्स विरोधात 11 धावा करत 9000 धावांचा टप्पा पूर्ण केला. आयपीएलमध्ये अशी कामगिरी करणारा विराट कोहली पहिला खेळाडू ठरला आहे. विराटनं या धावा 275 मॅचमध्ये 267 डावात पूर्ण केल्या आहेत.

3/6

विराट कोहलीनं दिल्ली कॅपिटल्स विरोधात 15 बॉलमध्ये एक चौकार आणि 2 षटकारांच्या मदतीनं नाबाद 23 धावा केल्या आहेत. कमी धावसंख्येच्या या सामन्यात विजय मिळवल्यानं बंगळुरु गुणतालिकेत दुसऱ्या स्थानावर पोहोचली आहे.

4/6

आरसीबीनं आयपीएलमध्ये 8 पैकी 6 सामन्यात विजय मिळवल्यानं त्यांच्याकडे गुणतालिकेत 12 गुण आहेत. विराट कोहली सर्वाधिक धावा करणाऱ्या खेळाडूंच्या यादीत टॉप फाईव्हमध्ये आहे. विराट कोहलीनं 8 सामन्यात 351 धावा केल्या आहेत.

5/6

विराट कोहलीनं आयपीएलमध्ये 2008 मध्ये पदार्पण केलं होतं. आयपीएलच्या 19 हंगामामध्ये विराट कोहली आरसीबीकडून खेळला आहे. विराट कोहलीनं 275 सामन्यांमध्ये 267 डावांमध्ये 9012 धावा केल्या आहेत.

6/6

विराट कोहलीनं आयपीएल करिअरमध्ये 808 चौकार आणि 305 षटकार मारले आहेत. कोहली आयपीएलमध्ये सर्वाधिक शतकं करणारा खेळाडू आहे, त्यानं 8 शतकं केली आहेत. तर, विराटच्या नावावर 66 अर्धशतकांची नोंद आहे.