IPL 2023 : रनमशीन विराट कोहलीचा नवा विक्रम

Most Fours in IPL : विराट कोहली सध्या तुफान फॉर्मात आहे. यंदाच्या आयपीएलमध्ये विराट कोहली धावांचा पाऊस पाडत आहे. सहा सामन्यात विराट कोहलीने चार अर्धशतके झळकावले आहेत.

पंजाबविरोधात विराट कोहलीने अर्धशतक झळकावले. विराट कोहलीने पंजाबविरोधात नव्या विक्रमाला गवसणी घातली. आयपीएलमध्ये विराट कोहलीने 600 चौकार लावण्याचा पराक्रम केलाय. आयपीएलमध्ये सर्वाधिक चौकार लगावणाऱ्या पाच फलंदाजाबद्दल जाणून घेऊयात..

आयपीएलमध्ये सर्वाधिक चौकार लगावण्याचा पराक्रम शिखर धवन याने केला आहे. शिखर धवन याने 209 डावात 730 चौकार लगावले आहेत. दुसऱ्या क्रमांकावर दिल्लीचा कर्णधार डेविड वॉर्नर याचा क्रमांक लागतो.

वॉर्नर याने 167 डावात 608 चौकार लगावले आहेत. या यादीत तिसऱ्या क्रमांकावर विराट कोहलीचा क्रमांक लागतो. विराट कोहली याने 221 डावात 603 चौकार लगावले आहेत.

सर्वाधिक चौकार लगावणाऱ्या फलंदाजामध्ये रोहित शर्मा चौथ्या क्रमांकावर आहे तर सुरेश रैना पाचव्या क्रमांकावर आहे. रोहित शर्मा याने 227 डावात 535 चौकार लगावले आहेत. तर सुरेश रैना याने 200 डावात 506 चौकार मारलेत.