IPL 2023 : ऑरेंज कॅप शिखर धवनकडे, ऋतुराज-विराटकडून मिळतेय आव्हान

ऑरेंज कॅप सध्या शिखर धवन याच्या डोक्यावर आहे. शिखर धवन याने तीन सामन्यात 225 धावा केल्या आहेत. यामध्ये दोन अर्धशतकांचा समावेश आहे. नाबाद 99 ही सर्वोच्च खेळी आहे.

ऋतुराज गायकवाड दुसऱ्या क्रमांकावर आहे. गायकवाडने तीन सामन्यात 189 धावांचा पाऊस पाडलाय. त्याने दोन अर्धशतके झळकावली आहेत.

आरसीबीचा कर्णधार फाफ डु प्लेसिस 175 धावांसह तिसऱ्या क्रमांकावर आहे. फाफने तीन सामन्यात दोन अर्धशतके झळकावली आहेत.

विराट कोहली चौथ्या क्रमांकावर आहे. विराट कोहलीने तीन सामन्यात 164 धावा केल्या आहेत. यामध्ये दोन अर्धशतकांचा समावेश आहे.

पाचव्या क्रमांकावर दिल्लीचा कर्णधार डेविड वॉर्नर आहे. वॉर्नरने तीन सामन्यात दोन अर्धशतकासह 158 धावा केल्या आहेत.

सहाव्या क्रमांकावर जोस बटलर आहे. बटलरने तीन सामन्यात दोन अर्धशतकासह 152 धावा केल्या आहेत.