Yuzvendra Chahal : युजवेंद्र चहलनं फिरकीच्या तालावर फलंदाजांना नाचवलं, पहिल्याच मॅचमध्ये पाच विकेट घेत धमाका, टीमचा विजयाचा दुष्काळ संपवला

युजवेंद्र चहल हा सध्या भारतीय क्रिकेट संघात अंतिम अकरा जणांमध्ये स्थान मिळवण्यासाठी संघर्ष करतोय. सध्या तो इंग्लंडमध्ये मेट्रो बँक कप स्पर्धेत खेळतोय. या स्पर्धेतील पहिल्याच मॅचमध्ये चहलनं धमाका केला आहे.

युजवेंद्र चहलच्या धमाकेदर कामगिरीनंतर नॉर्थहॅम्प्टनशायर संघानं केंटला नऊ विकेटनं पराभूत केलं. केंटकडून यापूर्वी चहलनं क्रिकेट खेळलं आहे.

युजवेंद्र चहलनं त्याच्या 10 ओव्हरमध्ये पाच विकेट घेत 14 धावा दिल्या. यामुळं केंटचा संघ 82 धावांवर आटोपला.

युजवेंद्र चहल संघात दाखल होताचं नॉर्थहॅम्प्टनशायर हा संघ विजयाच्या वाटेवर परला आहे. युजवेंद्र चहलनं 10 ओव्हर गोलंदाजी केली. यापैकी 5 ओव्हरमध्ये त्यानं एकही रन दिली नाही.

नॉर्थहॅम्प्टनशायरनं आतापर्यंत स्पर्धेत 8 मॅच खेळल्या असून त्यापैकी केवळ 2 मॅचमध्ये विजय मिळवला आहे. या संघाकडे चार गुण आहेत तर केंटकडे 6 गुण आहेत. चहलच्या संघानं 14 व्या ओव्हरमध्येच विजय मिळवला.