Jasprit Bumrah : दहाव्या शतकातील दुर्मिळ शिल्प... रितेश देशमुखची जसप्रीत बुमराहला टॅग करत भन्नाट पोस्ट

भारत आणि पाकिस्तान यांच्यातील टी-20 वर्ल्ड कपमधील मॅचमध्ये जसप्रीत बुमराहनं अफलातून कामगिरी केली होती. बुमराहनं पाकिस्तानच्या तीन विकेट काढल्या होत्या.

जसप्रीत बुमराह आणि मोहम्मद सिराज, हार्दिक पांड्या, अर्शदीप सिंग आणि अक्षर पटेल यांच्या कामगिरीच्या जोरावर भारतानं अटीतटीच्या लढतीत पाक वर विजय मिळवला.

भारतानं पाकिस्तानला 6 धावांनी पराभूत केल्यानंतर रितेश देशमुखनं टीम इंडियाच्या गोलंदाजांचं कौतुक केलं होतं.

रितेश देशमुखनं चक दे इंडिया, टीम इंडियानं काय अफलातून कमबॅक केलं आहे, असं म्हणत गोलंदाजांचं कौतुक केलं होतं.

रितेश देशमुखनं जसप्रीत बुमराहचं अभिनंदन करताना बुम बुम बुमराह असं ट्विट देखील भारत पाकिस्तान मॅचनंतर केलं होतं. आज रितेश देशमुखनं जसप्रीत बुमराहचं दहाव्या शतकातील दुर्मिळ शिल्प म्हणत एका मूर्तीचा फोटो पोस्ट करुन व्हाटसअप यूनिव्हर्सिटीच्या सौजन्यानं असं म्हटलंय.