IND vs BAN : 'मला कोणीही गिफ्ट दिले नाही, म्हणून मी...', बांगलादेशविरुद्धच्या विजयानंतरही अश्विन हे काय म्हणाला?

भारतीय क्रिकेट संघाचा स्टार फिरकीपटू रविचंद्रन अश्विनने बांगलादेशविरुद्धच्या पहिल्या कसोटीत बॉल आणि बॅटने चमकदार कामगिरी केली, पण सामना जिंकल्यानंतर तो आनंदी दिसत नव्हता.

आधी अश्विनने फलंदाजी करताना शतक ठोकले आणि नंतर गोलंदाजी करताना एकाच डावात 6 विकेट्स घेतल्या. बांगलादेशविरुद्धच्या विजयानंतर अश्विनने मोठा खुलासा केला.

खरंतर, अश्विनला त्याच्या नुकत्याच झालेल्या वाढदिवशी कोणीही गिफ्ट दिले नाही याचे दुःख आहे. गेल्या मंगळवारी (17 सप्टेंबर) अश्विनने त्याचा 38 वा वाढदिवस साजरा केला.

सामन्यानंतर हर्षा भोगलेने अश्विनला विचारले की, मी ऐकले आहे की लोक वाढदिवसाला इतरांना चांगल्या भेटवस्तू देतात. यावर उत्तर देताना अश्विन म्हणाला की, मला कोणीही गिफ्ट दिले नाही, त्यामुळे मी स्वतःला गिफ्ट देण्याचा विचार केला.

या सामन्यात फलंदाजी करताना आणि भारताच्या पहिल्या डावात अश्विनने 133 चेंडूत 11 चौकार आणि 2 षटकारांच्या मदतीने 113 धावा केल्या.

त्यानंतर सामन्याच्या शेवटच्या डावात गोलंदाजी करताना अश्विनने 6 विकेट घेतल्या. यादरम्यान त्याने 21 षटके टाकली. पहिल्या डावात गोलंदाजी करताना अश्विनने एकही विकेट घेतली नाही. या चमकदार कामगिरीसाठी भारतीय फिरकीपटूला 'प्लेअर ऑफ द मॅच'चा किताब देण्यात आला.