In Pics : न्यूझीलंडविरुद्ध टी20 मालिकेसाठी भारत सज्ज, रांचीच्या मैदानात कसून सराव, पाहा PHOTO

भारतीय संघानं नव्या वर्षाची सुरुवात अगदी दमदार पद्धतीनं केली आहे. श्रीलंकेवर मालिका विजयानंतर आता एकदिवसीय मालिकेत न्यूझीलंडला व्हाईट वॉश दिला आहे. ज्यानंतर आता भारतीय संघ न्यूझीलंडविरुद्ध टी20 सामन्यांसाठी सज्ज झाला आहे.

image 2

न्यूझीलंडचा संI भारत दौऱ्यावर असून वन-डे मालिका 3-0 ने गमावल्यावर आता टी20 मालिका खेळणार आहे. उद्या अर्थात 27 जानेवारीपासून टी20 सामने खेळवले जाणार आहेत.

आज होणारा पहिला टी20 सामना रांचीच्या जेएससीए आंतरराष्ट्रीय स्टेडियमवर खेळवला जात आहे. दरम्यान आजचा सामना जिंकणारा संघ मालिकेत 1-0 अशी आघाडी घेणार असल्याने आजचा सामना दोघांसाठी महत्त्वाचा आहे.

त्यामुळे सामन्यापूर्वी भारतीय संघ रांचीच्या जेएससीए स्टेडीयमवर कसून सराव करताना दिसून आला आहे.

भारतीय क्रिकेट नियामक मंडळ अर्थात बीसीसीआयनं हे फोटो आपल्या अधिकृत सोशल मीडियावर पोस्ट केले आहेत.

या फोटोमध्ये भारतीय संघातील खेळाडू कसून सराव करताना दिसत आहेत. कोच राहुल द्रविडसह इतरही स्टाफ खेळाडूंचा सराव घेत असल्याचं दिसून येत आहे.

फोटोंमध्ये फलंदाज नेट्समध्ये तगडे शॉट खेळण्याची प्रॅक्टीस करताना दिसत आहेत. तर दुसरीकडे गोलंदाजही घाम गाळताना दिसत आहेत.

भारतानं न्यूझीलंडविरुद्ध एकदिवसीय मालिकेतील पहिला सामना 12 धावांनी जिंकला. त्यानंतर दुसरा सामना 8 गडी राखून जिंकल्यावर तिसऱ्या सामन्यात 90 धावांनी दमदार विजय मिळवला. विशेष म्हणजे या सर्व सामन्यात भारताने फलंदाजी आणि गोलंदाजी दोन्हीमध्ये चमक दाखवली. शुभमनंचं द्वीशतक ते सिराजचं एकदिवसीय गोलंदाजाच्या क्रमवारीत टॉप करणं अशा बऱ्याच खास गोष्टी यावेळी घडल्या. दरम्यान आता टी-20 मालिकेत भारत हार्दिकच्या नेतृत्त्वाखाली युवा खेळाडू घेऊन उतरणार असून नेमकी कशी कामगिरी करतो हे पाहण्याजोगं असेल

भारत विरुद्ध न्यूझीलंड टी20 सामन्याचं लाईव्ह टेलिकास्ट सोनी स्पोर्ट्स नेटवर्कच्या विविध चॅनलवर होईल. तसेच Sony Liv अॅपद्वारे या सामन्याचं लाईव्ह स्ट्रिमिंग पाहता येऊ शकतं. याशिवाय https://marathi.abplive.com/ येथेही तुम्हाला सामन्याचे अपडेट्स पाहता येतील