Net Worth Of Sachin Tendulkar: क्रिकेटमधून निवृत्ती घेतल्यानंतरही कमाईत चौकार-षटकार; केरळ, मुंबईत आलिशान बंगले, सचिन तेंडुलकरची संपत्ती किती?

Net Worth Of Sachin Tendulkar: भारतीय क्रिकेटचा महान फलंदाज सचिन तेंडुलकरने आपल्या 24 वर्षांच्या आंतरराष्ट्रीय कारकिर्दीत अनेक विक्रम केले.

sachin tendulkar

भारतीय क्रिकेटचा महान फलंदाज सचिन तेंडुलकरने आपल्या 24 वर्षांच्या आंतरराष्ट्रीय कारकिर्दीत अनेक विक्रम केले. त्याला क्रिकेटमधून निवृत्त होऊन एक दशकाहून अधिक काळ लोटला, तरीही मास्टर ब्लास्टरचे अनेक विक्रम अद्यापही अतूट आहेत. (photo credit-social media)

1989 मध्ये वयाच्या 16 व्या वर्षी आंतरराष्ट्रीय क्रिकेट कारकिर्दीला सुरुवात करणारा सचिन तेंडुलकर हा आंतरराष्ट्रीय क्रिकेटमध्ये प्रवेश करणारा सर्वात तरुण क्रिकेटपटू होता. तो सामन्यानंतर सामन्यात सुधारणा करत राहिला आणि फलंदाजीत अनेक विश्वविक्रम करत राहिला. (photo credit-social media)

100 आंतरराष्ट्रीय शतके झळकावणारा सचिन निवृत्तीनंतरही दर महिन्याला करोडोंची कमाई करत आहे. आजही तो कमाईच्या बाबतीत अनेक स्टार खेळाडूंच्या पुढे आहे. (photo credit-social media)

सचिन तेंडुलकरचे वार्षिक उत्पन्न किती आहे? तो कुठून कमावतो आणि त्याची एकूण संपत्ती किती आहे?, जाणून घ्या...(photo credit-social media)

सचिनची एकूण संपत्ती सुमारे 170 दशलक्ष डॉलर्स म्हणजे 1410 कोटी रुपये आहे. निवृत्तीनंतरही सचिन दर महिन्याला जाहिराती आणि इतर माध्यमातून करोडो रुपयांची कमाई करत आहे.(photo credit-social media)

सचिन तेंडुलकरच्या निवृत्तीला एक दशकाहून अधिक काळ लोटला असला तरी तो अजूनही जाहिरातींच्या जगतात वर्चस्व गाजवत आहे. आजही मास्टर ब्लास्टर मोठ्या कंपन्यांच्या जाहिरातींमध्ये चौकार-षटकार मारताना दिसतो. (photo credit-social media)

एका वेबसाइटनुसार, सचिन तेंडुलकरचे मासिक उत्पन्न 4 कोटी रुपयांपेक्षा जास्त आहे, तर त्याचे वार्षिक उत्पन्न 55 कोटी रुपयांपेक्षा जास्त आहे. सचिन अनेकदा टीव्हीवर अपोलो टायर्स, आयटीसी सॅव्हलॉन, जिओ सिनेमा, स्पिनी आणि एजस फेडरल लाइफ इन्शुरन्ससारख्या कंपन्यांच्या जाहिरातींमध्ये दिसतो.(photo credit-social media)

सचिनचे केरळ आणि मुंबईत आलिशान बंगले- सचिन तेंडुलकरचे मुंबई आणि बंगळुरूमध्ये दोन रेस्टॉरंट आहेत. त्याची एकूण संपत्ती विराट कोहली आणि महेंद्रसिंग धोनीपेक्षा जास्त आहे. (photo credit-social media)

सचिनला जाहिरातींमधून वर्षाला सुमारे 40 कोटी रुपये मिळतात, तर गुंतवणुकीतून 10 कोटी रुपये कमावतात. त्यांचे मुंबई आणि केरळमध्ये आलिशान बंगले आहेत. (photo credit-social media)

मुंबईतील वांद्रे या पॉश भागात त्यांच्या मालकीच्या बंगल्याची किंमत सुमारे 100 कोटी रुपये आहे. 2007 मध्ये त्यांनी सुमारे 40 कोटी रुपयांना घर खरेदी केले होते. त्यांचा वांद्रे कुर्ला येथे एक आलिशान फ्लॅटही आहे.(photo credit-social media)