IPL 2025 Auction : रोहित शर्मासह 'या' खेळाडूंवर मेगा ऑक्शनमध्ये कोट्यवधींची बोली लागणार? जुनं रेकॉर्ड मोडण्याची शक्यता

आयपीएल 2025 च्या मेगा ऑक्शनची तयारी सुरु होणार आहे. फ्रँचायजीकडून मोठे खेळाडू आपल्या संघात घेण्यासाठी तयारी सुरु आहे. भारतीय खेळाडूंवर आगामी आयपीएलसाठी मोठी बोली लावली जाण्याची शक्यता आहे

रोहित शर्मा, केएल राहुल हे दोन प्रमुख खेळाडू दुसऱ्या संघांकडून खेळताना पाहायला मिळू शकतात. केकेआरच्या हर्षित राणावर देखील बोली लावली जाऊ शकते.

रोहित शर्मा आयपीएलमध्ये आतापर्यंत डेक्कन चार्जर्स आणि मुंबई इंडियन्सकडून खेळला आहे. रोहित शर्मा 2024 च्या आयपीएलमध्ये मुंबईचा कॅप्टन नव्हता. त्याच्या ऐवजी हार्दिक पांड्याला कप्तान करण्यात आलं होतं. पंजाब किंग्ज किंवा चेन्नई सुपर किंग्ज हे दोन्ही संघ रोहित शर्माला संघात घेण्यासाठी मोठी रक्कम मोजू शकतात.

केएल राहुलनं लखनौ सुपर जाएंटसचं तीन हंगामात कर्णधारपद स्वीकारलं आहे. पहिल्या दोन्ही हंगामात लखनौला केएल राहुलनं प्लेऑफ पर्यंत पोहोचवलं होतं. 2024 मध्ये लखनौची कामगिरी निराशाजनक राहिलं. त्यामुळं लखनौ त्याला रिटेन करण्याची शक्यता कमी आहे. मात्र, दुसरे संघ त्याच्यावर मोठी बोली लावू शकतात.

कोलकाता नाईट रायडर्सचा प्रमुख गोलंदाज हर्षित राणानं 2024 च्या हंगामात 13 मॅचमध्ये 19 विकेट घेतल्या होत्या. त्यामुळं केकेआर त्याला रिटेन करु शकते. जर केकेआरनं त्याला रिटेन नाही केलं तर त्याच्यावर देखील मोठी बोली लागू शकते.