India vs Ireland : बुमराहच्या नेतृत्वातील भारतीय संघ आयर्लंडमध्ये दाखल
India Tour Of Ireland 2023 : तीन सामन्याच्या टी 20 मालिकेसाठी जसप्रीत बुमराहच्या नेतृत्वातील भारतीय संघ आयर्लंडमध्ये दाखल झालाय.
Download ABP Live App and Watch All Latest Videos
View In Appबीसीसीआयने खेळाडूंचे फोटो सोशल मीडियावर पोस्ट केले आहेत.
अनेक दिवसानंतर जसप्रीत बुमराह मैदानावर पुनरागमन करत आहे. चाहते बुमराह याला पुन्हा एकदा खेळताना पाहण्यासाठी उत्सुक असतील.
मॅचविनर जसप्रीत बुमराहचे संघातील पुनरागमन आशिया चषक आणि वनडे विश्वचषकासाठी भारतीय संघाच्या दृष्टीने महत्वपूर्ण आहे. 18 ऑगस्ट रोजी पहिला सामना होणार आहे.
आयर्लंड दौऱ्यासाठी टीम इंडियात युवा खेळाडूंना संधी देण्यात आली आहे. रिंकू सिंह, यशस्वी जयस्वाल आणि जितेश शर्मा यांना चांगल्या कामगिरीचं बक्षीस मिळाले आहे.
या खेळाडूंना आयर्लंड दौऱ्यासाठी टीम इंडियात स्थान मिळाले आहे. त्याशिवाय मुकेश कुमार आणि शाहबाज अहमद, शिवम दुबे यांनाही संधी देण्यात आली आहे.
भारत आणि आयर्लंड यांच्यामध्ये तीन सामन्याची टी 20 मालिका खेळवण्यात येणार आहे. 18 ऑगस्ट रोजी डबलिन येथे पहिला टी20 सामना होणार आहे. 20 ऑगस्ट रोजी दुसरा आणि 23 ऑगस्ट रोजी तिसरा टी 20 सामना होणार आहे.