बीसीसीआयकडून विराट कोहली इतकाच पगार चार खेळाडूंना मिळतो; एकाच वर्षांत करोडोंची कमाई

विराट कोहली आज जगातील सर्वात श्रीमंत क्रिकेटपटूंपैकी एक आहे, ज्याची एकूण संपत्ती 1,000 कोटी रुपयांपेक्षा जास्त असल्याचे सांगितले जाते.

2024 मध्ये जाहीर झालेल्या बीसीसीआयच्या कॉन्ट्रॅक्ट लिस्टमध्ये विराट कोहलीला ए प्लस श्रेणीमध्ये ठेवण्यात आले होते. ए-प्लस श्रेणीत येणाऱ्या खेळाडूंना बीसीसीआय दरवर्षी 7 कोटी रुपये मानधन देते.

रोहित शर्मा देखील ए-प्लस श्रेणीमध्ये येतो, ज्यासाठी त्याला 7 कोटी रुपये वार्षिक वेतन मिळते. रोहित सध्या भारताच्या कसोटी आणि एकदिवसीय संघाचा कर्णधार आहे.

जसप्रीत बुमराह 'यॉर्कर किंग' म्हणूनही प्रसिद्ध आहे आणि सध्या तो जगातील अव्वल गोलंदाजांपैकी एक आहे. बुमराह हा भारतासाठी यावर्षी सर्वाधिक विकेट्स घेणारा गोलंदाज आहे. त्यांचा पगारही वार्षिक 7 कोटी रुपये आहे.

बीसीसीआयने ए-प्लस श्रेणीमध्ये समाविष्ट केलेला चौथा आणि शेवटचा खेळाडू रवींद्र जडेजा आहे. जडेजालाही बीसीसीआयकडून 7 कोटी रुपये मिळतात. जडेजाने आपल्या आंतरराष्ट्रीय कारकिर्दीत 6 हजारांहून अधिक धावा आणि 560 हून अधिक विकेट्स घेतल्या आहेत.

बीसीसीआयने हार्दिक पांड्या, रविचंद्रन अश्विन आणि केएल राहुलसह 6 खेळाडूंना अ श्रेणीमध्ये ठेवले आहे, ज्यांना वार्षिक 5 कोटी रुपये मानधन मिळते.