In Pics : विराट पत्नी अनुष्कासोबत देवदर्शनाला, ऋषीकेशच्या मंदिरात साधू-संतांचा घेतला आशिर्वाद

भारताचा स्टार फलंदाज विराट कोहली पत्नी अनुष्का शर्मासोबत देवदर्शन करतानाचे फोटो आणि व्हिडीओ व्हायरल होत आहेत.(Photo tweeted by : @MeghUpdates)

दोघांचे ऋषीकेश मंदिरातील दर्शन घेतानाचे व्हिडीओ व्हायरल होत आहे. विराट पत्नी अनुष्कासोबत ऋषीकेशला दर्शनासाठी पोहोचला आहे.

विशेष म्हणजे भारत या महिन्यात ऑस्ट्रेलियाविरुद्ध कसोटी मालिका खेळणार असून त्यापूर्वीच कोहलीनं देवाचे आशिर्वाद घेतल्याचं दिसून आलं आहे.(Photo tweeted by : @MeghUpdates)

या व्हिडीओमध्ये विराट आणि अनुष्का संपूर्ण मंदिरात फेरी मारताना दिसत असून तेथील सांधू-संताचं दर्शन घेत आहेत.

दोघेही अगदी सिंपल लूकमध्ये दिसत असून अनुष्काने ट्रेडीशनल कपड्यांसह शाल वैगेरे ओढली आहे. यावेळी मंदिरात नेहमीप्रमाणे बरेच भाविक आले असून काही जणांनी विराटसोबत फोटो देखील क्लिक केले. हे सर्व फोटो सोशल मीडियावर पोस्ट होताना दिसत आहेत.

याशिवाय विराटनं ऑस्ट्रेलियाविरुद्ध कसोटी मालिकेपूर्वी मंदिरात जाऊन दर्शन घेतल्यानं आता कांगारुचं काही खरं नाही, विराट आणखी दमदार फॉर्मात परतणार आणि शतकं ठोकणार असे मजेशीर कमेंट्स करत अनेक मीम्सही नेटकरी शेअर करत आहेत.

विराट कोहलीनं नुकत्याच झालेल्या श्रीलंकेविरुद्धच्या तिसऱ्या एकदिवसीय सामन्यात धडाकेबाज खेळी केली. या सामन्यात त्याने 110 चेंडूत 166* धावा केल्या.

त्यानं हे शतक ठोकत आपली 73 आंतरराष्ट्रीय शतकं पूर्ण केली असून त्याचं हे 46 व एकदिवसीय शतक होतं.

त्याच्या खेळीत एकूण 13 चौकार आणि 8 षटकारांचा समावेश होता. यादरम्यान त्याचा स्ट्राइक रेट 150.91 होता. कोहलीने श्रीलंकेविरुद्धच्या तीन सामन्यांच्या मालिकेत दोन शतकं झळकावली. गुवाहाटी येथे खेळल्या गेलेल्या पहिल्या एकदिवसीय सामन्यात त्याने शानदार शतक झळकावले होते.  

आता ऑस्ट्रेलियाविरुद्ध तो कसोटीतही पुन्हा फॉर्मात परतेल अशी आशा फॅन्स व्यक्त करताना दिसत आहेत.