Donald Trump Win : ट्रम्प यांच्या विजयानंतर मोदी भावुक, फोटो शेअर करत दिला मित्राला खास संदेश

भारताचे पंतप्रधान नरेंद्र मोदी यांनी डोनाल्ड ट्रम्प यांच्या निवडणुकीतील ऐतिहासिक विजयाबद्दल त्यांचे अभिनंदन केले आहे.

पीएम मोदींनी लिहिले, ऐतिहासिक निवडणुकीतील विजयाबद्दल माझ्या मित्राचे हार्दिक अभिनंदन. भारत-अमेरिका यांच्यामध्ये व्यापक जागतिक आणि धोरणात्मक भागीदारी आणखी मजबूत करण्यासाठी आम्ही उत्सुक आहोत.

पीएम मोदींनी ट्रम्प यांच्या यशाचे ऐतिहासिक विजय असं वर्णन केलं आणि दोन्ही देशांमधील धोरणात्मक आणि जागतिक भागीदारी मजबूत करण्याचा उल्लेख केला.

ट्रम्प यांचे हे यश दोन्ही देशांमधील संबंध मजबूत करण्यासाठी एक पाया आहे, असा विश्वास पंतप्रधानांनी व्यक्त केला.

निवडणुकीत विजय निश्चित झाल्यानंतर ट्रम्प यांनी अमेरिकेतील जनतेचे आभार मानले आहेत. देशाच्या सर्व समस्या सोडवू असे ट्रम्प म्हणाले. अमेरिकेला पुन्हा एकदा महान बनवणार असल्याचेही ते म्हणाले.

अलास्का, नेवाडा आणि ऍरिझोनामध्ये जिंकणे माझ्यासाठी खूप मोठी गोष्ट आहे. ट्रम्प म्हणाले की, मी अमेरिकन लोकांच्या कुटुंबासाठी आणि त्यांच्या भविष्यासाठी लढणार आहे. येणारी 4 वर्षे अमेरिकेसाठी महत्त्वाची आहेत.

अमेरिकेच्या इतिहासातील हा सर्वात नेत्रदीपक विजय आहे. इलॉन मस्कचे कौतुक करताना ट्रम्प म्हणाले - इलॉन एक स्टार आहे. निवडणुकीच्या प्रचारात त्यांनी रॉकेटप्रमाणे काम केलं.