Wardha News : वर्ध्यातील कारंजा शंकरपटात महिलेने हाकली बैलजोडी; तब्बल 113 बैलजोडींचा शंकरपटात सहभाग

वर्धा जिल्ह्यातील कारंजा शहरात तीन दिवसीय शंकरपटाचं आयोजन करण्यात आलं होतं.

या शंकरपटात वेगवेगळ्या जिल्ह्यांसह राज्याबाहेरील बैलजोडींनीही सहभाग घेतला होता.

तब्बल 113 बैलजोडी या शंकरपटात धावपट्टीवर धावल्या. त्यात नांदगाव खंडेश्वर येथील लक्ष्मी नावाच्या मुलीने बादशाह आणि टिकल्या नावाची बैलजोडी हाकली.

लक्ष्मीने हाकलेली जोडी सर्वांसाठी आकर्षण ठरली.

यावेळी त्या लक्ष्मी युवतीचे आयोजकांनी स्वागत केले.

शंकरपटाच्या विजेत्यांना आमदार दादाराव केचे यांच्या उपस्थितीत पारितोषिक देण्यात आले.

यावेळी मध्य प्रदेशातील बैतुलच्या डोबरीया आणि चपरी जोडीने प्रथम क्रमांक पटकावला.

अनेक वर्षानंतर कारंजात शंकरपट भरल्याने हजारोंच्या संख्येने नागरिकांनी या ठिकाणी गर्दी केली होती.