Photo: आजी-माजी खासदारांची होळी, संजय काकडे यांनी घेतली गिरीश बापटांची भेट

पुण्याचे खासदार गिरीश बापट यांना आज माजी खासदार संजय काकडे यांनी रंग लावून होळी साजरी केली.

गिरीश बापट यांच्यावर सध्या उपचार सुरु असून ते पुण्यातील सक्रिय राजकारणापासून त्यामुळे दूर आहेत.

मात्र नुसत्याच झालेल्या कसबा पेठ मतदारसंघातील पोटनिवडणुकीत गिरीश बापट यांचे महत्त्व भाजपच्या नेत्याना लक्षात आल्यानंतर भाजप नेत्यांनी उपचार सुरु अलेल्या बापटांना भेटण्यास रांग लावली होती.

आज संजय काकडे यांनी गिरीश बापट यांच्यावर जिथे उपचार सुरु आहेत तिथे जाऊन गिरीश बापट यांना रंग लावला आणि होळी साजरी केली.

या आधी देशाचे केंद्रीय गृहमंत्री अमित शाह यांनी गिरीश बापटांची भेट घेऊन त्यांच्या तब्येतीची चौकशी केली होती.

कसब्याच्या पोटनिवडणुकीत भाजपच्या हेमंत रासणे यांना पराभव स्वीकारावा लागला. अनेक वर्षांनंतर या ठिकाणी काँग्रेसला यश मिळालं असून रविंद्र धंगेकर निवडून आले आहेत.

कसब्याच्या निवडणुकीमध्ये सुरुवातीला खासदार गिरीश बापट आणि माजी खासदार संजय काकडे यांना दूर ठेवण्यात आलं होतं.

नंतर जसंजसं ही निवडणूक आव्हानात्मक ठरु लागली त्यावेळी आजारी असलेल्या गिरीश बापटांना प्रचारात उतरवण्यात आलं.