In Pics : शिवसेना ठाकरे गटाच्या कार्यकर्त्यांकडून पुण्यात कर्नाटकच्या बसेसना काळे फासले

बेळगावमधील हिरे बागेवाडी टोल नाक्याजवळ आज कन्नड संघटनांकडून महाराष्ट्राच्या ट्रकवर दगडफेक करण्यात आली.

या दगफेकीचे पडसाद आता पुण्यात उमटले आहेत.

पुण्यातील स्वारगेट भागात खासगी पार्किंगमधे उभ्या असलेल्या कर्नाटक सरकारच्या बसेसना शिवसेना ठाकरे गटाच्या कार्यकर्त्यांनी काळे फासले आहे.

यावेळी पोलिसांनी कार्यकर्त्यांना आवरण्याचा प्रयत्न केला.

मात्र कार्यकर्ते खूपच आक्रमक झाले होते. कर्नाटक सरकारच्या निषेधार्थ घोषणा देत यावेळी बसेसना काळा आणि भगवा रंग लावण्यात आला.

बसेसवर कन्नड भाषेत लिहण्यात आलेला मजकूर काळ्या आणि भगव्या रंगाने पुसून टाकण्यात आला.

यावेळी कार्यकर्ते आणि पोलिस यांच्यात झटापट झाली.