Pune Fire : पुण्यात गोडाऊनला आग; मंडप, खुर्च्या जळून खाक, भीषण आगीनं मोठं नुकसान

पुणे शहरातील वाघोली भागामध्ये एका गोडाऊनला भीषण आगीची घटना घडली आहे. यात दुर्दैवाने तीन जणांंचा होरपळून मृत्यू झाला आहे.

अग्निशमन दलाच्या आणि पुणे महानगरपालिकेच्या आठ गाड्या घटनास्थळी दाखल झाल्या आहे. या सगळ्यांनी मिळून आगीवर नियंत्रण मिळवण्यात यश आलं आहे.

तीन जणांचा होरपळून मृत्यू झाल्याने सगळीकडे हळहळ व्यक्त केली जात आहे.

पुण्यातील वाघोली परिसरात अचानक गोडाऊनला आग लागली. रात्री 11:45 च्या सुमारास ही आगीची घटना घडली.

हे मंडपाचं गोडाऊन होतं. या गोडाूनच्या शेजारी 400 सिलेंडर होते.

त्यामुळे मोठा स्फोट झाला. ही घटना कळताच अग्निमन दलाची वाहनं घटनास्थळी दाखल झाली होती. .

अग्निशमन दलाच्या जवानांनी चार तासांच्या अथक प्रयत्नानंतर आगीवर नियंत्रण मिळवलं.

या आगीत जवानांना तीन कामगारांचे मृतदेह आढळून आले. या आगीचे नेमके कारण अद्याप समोर आलेले नाही.