Tauktae Cyclone in Pune | खेड तालुक्यात चक्रीवादळाचा तब्बल 70 घरांना तडाखा, कुठं भिंत पडली तर कुठं छप्पर उडालं

पुण्याच्या खेड तालुक्यात चक्रीवादळाचा अनेकांना फटका बसलाय. भोरगिरी आणि भिवेगाव मधील तब्बल सत्तर घरांचे, तीन शाळांचे आणि एक ग्रामपंचायतीचा यात समावेश आहे.

काहींचे पत्रे उडाले तर काहींच्या भिंती कोसळल्या आहेत. जिल्हा प्रशासनाकडून पंचनामे करण्याचे काम सुरू झालंय.

पुणे जिल्ह्यात फारसा पाऊस नाहीय. जिल्ह्यातील काही तालुक्यात अधून मधून पावसाच्या सरी आणि वादळी वारे आहेत.

मात्र, पुणे जिल्ह्यातील भोर, वेल्हा, मावळ, मुळशी, खेड आणि जुन्नर या घाटमाथ्यांवरील तालुक्यात सतर्कतेचा इशारा दिला गेलाय.

खेड तालुक्यात भोरगीरी आणि भिवेगाव या गावांमध्ये वादळी वाऱ्यामुळे सत्तर घरांचे नुकसान झालंय.

सोसाट्याच्या वाऱ्यामुळे घरांवरचे पत्रे उडून गेलेत.

दोन अंगणवाडी आणि एका प्राथमिक शाळेच्या इमारतीचे देखील यात नुकसान झालंय.