Ashadhi wari 2023 : विठुरायाचा गजर, टाळ, मृदुंग संग वारकरी दंग; देहूत जमला वैष्णवांचा मेळा

जगद्गुरु संत तुकाराम महाराजांच्या पालखी प्रस्थान सोहळ्याला आजपासून सुरुवात होत आहे.

यावर्षीचा हा 338वा पालखी सोहळा आहे.

दुपारी दोन वाजण्याच्या सुमारास प्रस्थान सोहळ्यास सुरुवात झाली.

हजारो वारकऱ्यांच्या तोंडी विठुरायाचा गजर सुरु होता.

हाती टाळ, डोक्यावर तुळस घेत वारी सोहळ्यासाठी वारकरी आतुर झाले आहेत.

पालखी प्रस्थान सोहळ्यादरम्यान एकाच तालावर वारकऱ्यांनी ठेका धरला.

अवघा मंदिर परिसर वारकऱ्यांच्या येण्याने गजबजून गेला आहे.

तुकोबारायांच्या पालखीचं प्रस्थान झालं असून वारकऱ्यांचा उत्साह शिगेला पोहचला आहे.