Raju Shetti's banners in Wankhede Stadium : मुंबई इंडियन्स Vs चेन्नईचा थरारक मुकाबला, पण वानखेडे स्टेडियमवर कोल्हापूरच्या पठ्ठ्यांनी झळकावलेल्या बॅनरची चर्चा

आयपीएलमध्ये आज (दि.14) कट्टर प्रतिस्पर्धी मुंबई इंडियन्स आणि चेन्नई सुपर किंग्ज आमने-सामने होते.

मात्र, स्टेडियमवर कोल्हापूरच्या पठ्ठ्यांनी वेगळेच बॅनर झळकावले आहेत.

वानखेडे स्टेडियवर चेन्नई विरुद्ध मुंबई सामना रंगला.

या सामन्या दरम्यान कोल्हापुरकरांनी स्वाभिमानी शेतकरी संघटनेचे अध्यक्ष राजू शेट्टी यांचे बॅनर झळकावले.

राजू शेट्टीचे झळकावण्यात आलेले बॅनर चर्चेचा विषय ठरले आहेत.

राजू शेट्टी हातकणंगले लोकसभा मतदारसंघातून निवडणुकीच्या मैदानात उतरले आहेत.

हातकणंगलेमध्ये यावेळी पंचरंगी लढत होण्याची शक्यता आहे.

राजू शेट्टींविरोधात ठाकरे गटाने सत्यजित पाटील यांना मैदानात उतरवले आहे.

तर शिंदे गटाकडून धैर्यशील माने यांना उमेदवारी मिळाली आहे.

शिवाय, अपक्ष आमदार प्रकाश आवाडे यांनी शड्डू ठोकलाय.