Rahul Gandhi : ‘भारत जोडो न्याय यात्रा’ बिहारमध्ये; पूर्णिया येथे शेतकऱ्याच्या सोबत राहुल गांधींचा चौपाल!

राहुल गांधी यांची भारत जोडो न्याय यात्रा मंगळवारी पूर्णियाला पोहोचली. बिहारमधील अररियानंतर दुसऱ्या दिवशी पूर्णियात पोहोचलेल्या राहुल गांधींनी शेतकऱ्यांची भेट घेतली.(Photo Credit : facebook/rahulgandhi)

काँग्रेसचे माजी अध्यक्ष राहुल गांधी डोक्याला टॉवेल गुंडाळून बिहारी स्टाईलमध्ये दिसत होते. त्यांनी शेतकऱ्यांशी संवाद साधला. त्यांनी भाजप आणि पंतप्रधान मोदींवर जोरदार टीका केली.(Photo Credit : facebook/rahulgandhi)

भारत सरकार भूसंपादन कायदा मोडत असल्याचे राहुल गांधी म्हणाले. शेतकऱ्यांना चारही बाजूंनी घेरले जात आहे. तुमच्याकडून जमिनी घेऊन अदानीसारख्या बड्या उद्योगपतींना फुकटात दिल्या जातात.(Photo Credit : facebook/rahulgandhi)

पीएम मोदींनी तीन काळे कायदे आणले आणि जे तुमचे होते ते तुमच्या नाकासमोर हिसकावून घेण्याचा प्रयत्न केला. मल्ल्या आणि अदानी यांची कर्जे माफ करता येतात, पण शेतकऱ्यांची कर्जे माफ करता येत नाहीत(Photo Credit : facebook/rahulgandhi).

तत्पूर्वी, राहुल गांधी यांनी अररिया येथे महात्मा गांधींना त्यांच्या पुण्यतिथीनिमित्त आदरांजली वाहिली. अररिया येथील भारत जोडो न्याय यात्रेच्या शिबिराच्या ठिकाणी प्रार्थना सभेचे आयोजन करण्यात आले होते. (Photo Credit : facebook/rahulgandhi)

बापूंनी (महात्मा गांधी) संपूर्ण देशाला प्रेमाने जगायला आणि सत्यासाठी लढायला शिकवले, असेही राहुल गांधी म्हणाले. (Photo Credit : facebook/rahulgandhi)

आज ते त्यांनी दाखवलेल्या मार्गावर चालले आहेत. यापूर्वी, गेल्या सोमवारी अररिया दौऱ्यात राहुल गांधी यांनी काली मंदिरात जाऊन पूजाही केली होती.(Photo Credit : facebook/rahulgandhi)

काँग्रेस नेते राहुल गांधी यांचे पूर्णियामध्ये दोन कार्यक्रम आहेत. पहिल्या कार्यक्रमांतर्गत त्यांनी शेतकऱ्यांशी संवाद साधला. (Photo Credit : facebook/rahulgandhi)

यानंतर राहुल गांधी पूर्णियातील रंगभूमी मैदानावर मोठ्या सभेला संबोधित करतील. राहुल गांधींच्या सभेची तयारी पूर्ण झाली आहे.(Photo Credit : facebook/rahulgandhi)

यात्रेच्या तयारीदरम्यान पूर्णियामध्येच काँग्रेस विधिमंडळ पक्षाची बैठकही झाली.(Photo Credit : facebook/rahulgandhi)