Sri Sri Ravishankar : तुळजापुरात श्री श्री रविशंकर यांच्या कार्यकमात संभाजी ब्रिगेडचा गोंधळ

अध्यात्मिक गुरू श्री श्री रविशंकर यांचा आज उस्मानाबाद जिल्ह्यातील तुळजापूरमध्ये कार्यक्रम आयोजित करण्यात आला होता.

तुळजापूर येथे श्री श्री रविशंकर यांचा जागर भक्तीचा कार्यक्रम आयोजित करण्यात आला होता.

या कार्यक्रमात मोठ्या संख्येने अनुयायांची गर्दी झाली होती.

मात्र, या कार्यक्रमात अचानकपणे श्री श्री रवीशंकर यांच्या गोंधळ सुरू झाला.

संभाजी ब्रिगेडच्या कार्यकर्त्यांनी अचानकपणे घोषणाबाजी केल्याने गोंधळ उडाला.

श्री श्री रविशंकर यांच्याविरोधात घोषणाबाजी करत संभाजी ब्रिगेडच्या कार्यकर्त्यांनी काळे झेंडे दाखवले.

पोलिसांनी घोषणाबाजी करणाऱ्या संभाजी ब्रिगेडच्या कार्यकर्त्यांना ताब्यात घेतले.

संभाजी ब्रिगेडच्या कार्यकर्त्यांना आवरण्यासाठी पोलिसांनी बळाचा वापर केला.

श्री श्री रविशंकर यांनी छत्रपती शिवाजी महाराज आणि रामदास स्वामी यांच्या संबंधाबाबात केलेल्या जुन्या वक्तव्यावर संभाजी ब्रिगेडने आक्षेप घेतला.

पोलिसांनी कार्यकर्त्यांना ताब्यात घेतल्यानंतर श्री श्री रविशंकर यांचा जागर भक्तीचा कार्यक्रम सुरू झाला.