Nashik : नाशिकमध्ये हुडहुडी, चांदीच्या गणपतीला स्वेटर अन् शॉल घातली; बाप्पाच्या दर्शनासाठी भाविकांची गर्दी, पाहा PHOTOS

गेल्या दोन-तीन दिवसांपासून राज्यात थंडीचे वारे वाहू लागले आहेत. नाशिकमध्ये देखील थंडीचा जोर कायम आहे.

दरम्यान, नागरिक थंडीपासून स्वतःचे रक्षण करत असतानाच धार्मिक नगरी असणाऱ्या नाशिकच्या मंदिरातील देवांनाही ऊबदार कपडे परिधान करून थंडीपासून त्यांचे संरक्षण केले जात आहे.

या ठिकाणी कारंजा परिसरातील चांदीच्या गणेश मूर्तीला स्वेटर परिधान करून, शाल पांघरून बाप्पाचे थंडी पासून रक्षण केले जात आहे.

गोदाकाठ परिसरात थंडीचा जोर जाणवत असतो. गोदाकाठ परिसरात असंख्य मंदिर आहेत.

त्यामुळे इथे येणाऱ्या भाविकां प्रमाणेच देवालाही थंडी जाणवते अशी भक्तांची भावना आहे.

त्यामुळेच देवाला उबदार कपडे परिधान केले जात आहेत.