Nashik News : सप्तशृंग गडावरील भवानी पाझर तलाव 'ओव्हरफ्लो ', गडावरील भवानी पाझर तलावाचे जलपूजन

गेल्या एक ते दीड महिन्यापासून सप्तशृंग गडावर मुसळधार पाऊस सुरू आहे.

या पावसामुळे गडावर पाणी पुरवठा करणारा भवानी पाझर तलाव ओसंडून वाहू लागला आहे

भवानी तलाव भरल्याने ग्रामस्थांना आणि मंदिर समितीली मोठा दिलासा मिळाला आहे.

मे आणि जून महिन्यांत तलावात मृत साठा शिल्लक असल्याने पाण्याचा प्रश्न ऐरणीवर आला होता.

सप्तश्रृंगी गडावर भाविकांची गर्दी पाहायला मिळते.

येथे येणाऱ्या भाविकांसाठी पाण्याचा पुरवठा या तलावातून केला जातो.

तसेच गावकऱ्यांसाठी देखील हा महत्त्वाचा पाण्याचा स्रोत आहे.

त्यामुळे हा तलाव ओव्हरफ्लो झाल्याने ग्रामस्थांना देखील मोठा दिलासा मिळाला असल्याचं सांगण्यात येत आहे.

सरपंच रमेश पवार यांच्या हस्ते भवानी तलावाचे जलपूजन करण्यात आले.