Nashik Combat Army : आता थेट भिडायचं! डोळ्यांची पारणे फेडणारा दीक्षांत समारंभ सोहळा

गांधीनगर येथील कॉम्बॅक्ट एव्हिएशन स्कूलमध्ये ३८ व्या तुकडीच्या दीक्षांत सोहळा चित्ता, चेतक, ध्रुव या लढाऊ हेलिकॉप्टर्सच्या साक्षीने डोळ्यांची पारणे फेडणारा ठरला.

नाशिकच्या गांधीनगर परिसरात कॉम्बॅक्ट आर्मी एव्हिएशन स्कुल असून या ठिकाणी हवाई प्रशिक्षण दिले जाते.गांधीनगर कॉम्पॅक्ट आर्मी एव्हिएशनचा दीक्षांत समारंभ सोहळा पार पडला.

आर्मी एव्हिएशन स्कुलमधील आज कॅटची 38 वी तुकडीने प्रशिक्षण पूर्ण केले. दरम्यान आज ३८ व्या तुकडीचा दीक्षांत समारंभ सोहळा मोठ्या दिमाखात पार पडला.

दीक्षांत समारंभात आर्मीकडून हवाई चित्तथरारक प्रात्यक्षिके सादर करण्यात आली. हे प्रात्यक्षिके बघताना युद्धभूमीवर घडणाऱ्या घटनांची प्रेक्षकांना आठवण झाली.

शिस्तबद्ध पडणारी पाऊले, अभिमानाने भरून आलेला उर, देश सेवेसाठी सज्ज झालेले तरुण असे वातावरण समारंभ प्रसंगी पाहायला मिळाले.

कॉम्बॅक्ट एव्हिएशन स्कूलमध्ये 38व्या तुकडीचा दीक्षांत समारंभप्रसंगी उत्कृष्ट कॅन्डीडेट, उत्कृष्ट प्रशिक्षक, उत्कृष्ट वैमानिकांचा सन्मानचिन्ह देऊन गौरव करण्यात आला.

प्रशिक्षणा दरम्यान या तुकडीला शत्रूवर हवाई हल्ला करणे, जमिनीवरील सैन्यालावर असत पुरवणे, जखमींना सुरक्षित ठिकाणी उपचारार्थ हलवणे आदींचे विविध बाबींचे सखोल ज्ञान दिले जाते.

हेच प्रशिक्षण घेऊन युद्धाच्या वेळी महत्त्वाची साथ देणारी लढाऊ हेलिकॉप्टर वैमानिकांची 38 वी तुकडी देशाच्या संरक्षणासाठी सज्ज झाली आहे.

यावेळी चित्तथरारक प्रात्यक्षिकांसह संचालन करण्यात आले. प्रांगणात हवाई दलाचे हेलिकॉप्टर चमूने चित्त थरारक कसरती सादर केल्यामुळे उपस्थित प्रेक्षकांना पाहतच राहिले.

हवेत करण्यात आलेल्या कसरतींनी उपस्थितांच्या डोळ्यांचे पारणे फिटले. यावेळी लष्करी थाटात मान्यवरांच्या हस्ते 38 वैमानिकांना एव्हीएशन विंग व प्रमाणपत्र देऊन गौरविण्यात आले.

कॉम्बॅक्ट एव्हिएशन स्कूलमध्ये 38व्या तुकडीचा दीक्षांत समारंभप्रसंगी उत्कृष्ट कॅन्डीडेट, उत्कृष्ट प्रशिक्षक, उत्कृष्ट वैमानिकांचा सन्मानचिन्ह देऊन गौरव करण्यात आला.