PHOTO: नांदेडमध्ये 12 क्विंटल प्लास्टिक जप्त, मनपाची कारवाई

नांदेड शहरात बंदी घातलेल्या प्लास्टिकचा साठा, विक्री व वापर वाढला आहे.

त्यामुळे नांदेड महानगरपालिकेने प्लास्टिक बंदी बाबत कारवाई सुरु केली आहे.

शहराला प्लास्टीक मुक्त करण्यासाठी महानगरपालिकेच्या विशेष पथकाने 28 डिसेंबरला कारवाई केली आहे.

महापालिकेच्या विशेष पथकामार्फत दुकानावर अचानक धाडी टाकून 12 क्विंटल प्लास्टिक तसेच 19 पाणी पाऊच बॅग जप्त करण्यात आले.

संबंधित दुकानदारांविरुध्द दंडात्मक कारवाई करुन एकूण रु. 1 लाख 20 हजार रुपये दंड वसूल करण्यात आले आहे.

यापूढे शहरात प्लास्टिक साठवणूक, वाहतूक व वापर करणाऱ्या दुकानावर आणि उपद्रवकारक कृत्य करणाऱ्यांविरुध्द कारवाई अधिक तीव्र केली जाणार आहे, असे मनपाने कळविले आहे.