नागपुरातील तलावात आढळलं चक्क 120 किलोंचं महाकाय कासव, पाहा फोटो

नागपुरातील नाईक तलावात भला मोठा कासव आढळून आला आहे.

तब्बल 120 किलो वजनाचा कासव पहाण्यासाठी नागरीकांनी गर्दी केली होती.

नागपूर शहराच्या मध्यभागी असलेल्या नाईक तलावाच्या सौंदर्यीकरणाचे काम सध्या सुरू आहे.

या तलावात गेल्या काही महिन्यांपासून एक मोठे कासव असल्याचे नागरिकांनी सांगितले होते.

महिनाभरापासून त्या कासवाला रेस्क्यू करण्याचे प्रयत्न सुरू होते. पण तलावात पाणी आणि गाळ असल्यामुळे ते शक्य होत नव्हतं.

आता उन्हाळ्यामुळे तलावातलं पाणी आटल्याने कासवाला स्पष्ट पाहता येत होते. मात्र, गाळ असल्याने त्या कासवाला पकडण्यात अनेक अडचणी येत होत्या.

अखेर काल स्थानिक नागरिकांच्या मदतीने रेस्क्यू ऑपरेशन राबवित कासवाला यशस्वीरित्या रेस्क्यू करण्यात आलं.

सॉफ्ट शेल असलेला हा कासव जवळजवळ 120 किलो वजनाचा आहे.

कासवाला रेस्क्यू करून सेमिनरी हिल्स येथील ट्रांजिट सेंटरमध्ये ठेवण्यात आले असून तलावाचा सौंदर्यीकरण पार पडल्यानंतर पुन्हा त्याला त्याच तलावात सोडणार असल्याची माहिती प्रशासनाने दिली आहे.