Santacruz Hotel Fire : सांताक्रूझमधील गॅलेक्सी हॉटेलला आग, तीन जणांचा मृत्यू

मुंबईतील सांताक्रूझ येथील गॅलेक्सी हॉटेलला भीषण आग (Santacruz Galaxy Hotel Fire) लागल्याची घटना घडली आहे.

या आगीत तीन जणांचा मृत्यू झाल्याची माहिती मिळत आहे. तर पाच जण जखमी झाले आहेत. आगीची माहिती मिळताच अग्निशामक दलाच्या चार गाड्या घटनास्थळी दाखल झाल्या आहेत.

थक प्रयत्नानंतर आगीवर नियंत्रण मिळवण्यात यश आले. जखमींना व्ही एन देसाई रुग्णालयात दाखल केले आहे.

गॅलेक्सी बिल्डिंगमधील तिसऱ्या मजल्यावरील गॅलेक्सी हॉटेलमध्ये भीषण आग लागली. ही चार मजली इमारत आहे.

रुग्णालयातील सूत्रांनी दिलेल्या माहितीनुसार, रुपल कांजी (वय 25), किशन (वय 28) आणि कांतीलाल गोरधन वारा (वय48) या तिघांचा मृत्यू झाला आहे.

आग आटोक्यात आल्यानंतर अग्निशमन दलाच्या अधिकाऱ्यांनी पाच जणांची सुटका करून त्यांना व्ही.एन.देसाई रुग्णालयात हलवले आहे.

खोली क्रमांक 204 मध्ये ही आग लागली होती. त्यांनतर ती तिसऱ्या मजल्यावर पोहोचली.

धूर आणि आगीच्या भक्ष्यस्थानी एकूण आठ जण आले होते. ज्यामध्ये ती जणांचा मृत्यू झाला आहे.

दरम्यान, आगीचे कारण स्पष्ट झालेले नाही. अग्निशमन दल घटनास्थळी पोहोचले त्यावेळी धूर होता. खिडक्या तोडून लोकांना बाहेर काढण्यात आले.